सर्च मध्ये मुत्रविकार व त्वचाविकार तपासणी शिबीरास उस्फूर्त प्रतिसाद

122

The गडविश्व
गडचिरोली, दि. १२ : चातगाव येथील सर्च रुग्णालयात बुधवार १० जुलै २०२४ रोजी मूत्रविकार व त्वचाविकार ओपीडीचे आयोजन करण्यात आले होते. या विशेषज्ञ ओपीडीमध्ये दत्ता मेघे हॉस्पिटल सावंगी, वर्धा येथील विशेषज्ञ यांनी ७७ रुग्णांना आरोग्य तपासणी व उपचार सुविधा दिली.
मूत्रविकार ओपीडी मध्ये मूत्राशयाचा कर्करोग, अंडाशयावर सूज, किडनी स्टोन, मूत्राशय पिशवी मध्ये स्टोन असणे,लघवीची नळी चिपकलेली असणे , मूत्राशय नळीमध्ये स्टोन अटकलेला असणे , प्रोटेस्ट ग्रंथीची वाढ होणे तसेच लघवीतून रक्त जाणे, लघवी अटकत/ थांबत येणे अशी लक्षणे असलेल्या १२ रुग्णांची सर्जरी कॅम्प करिता निवड करण्यात आली. तसेच शरीरावर पांढरा चट्टा कोड व खाज, मुरूम/ तारुण्यपिटिका, केस गळती,कोंडा होणे, गजकर्ण, खरूज, सोरायसिस, नखांचे आजार तसेच नागिन अशी लक्षणे असलेल्या रुग्णांना त्वचाविकार ओपीडी मध्ये उपचार सुविधा देण्यात आली.
गडचिरोली जिल्हातील ग्रामीण व आदिवासी गरजू रुग्णांकरिता उत्कृष्ट दर्जाची आरोग्य सुविधा पुरविण्याच्या उद्देशाने सर्च रुग्णालय विशेष आर्थिक सुविधा देत आहे. ओपीडीमध्ये ईसीजी, एक्सरे व प्रयोगशाळा तपासणी तसेच डॉक्टरांनी लिहून दिलेल्या औषधांवर ५०% सवलत प्रदान करित आहे. विशेष म्हणजे १५ वर्षाखालील सर्व लहान मुलांना सर्च रुग्णालयात कोणतेही शुल्क आकारले जात नाही. नोंदणी फी, प्रयोगशाळा तपासणी, डॉक्टरांनी लिहून दिलेल्या औषधी या १००% मोफत दिल्या जातात. तरी सर्च रुग्णालयात होणार्‍या विशेषज्ञ ओपीडीचा जास्तीत जास्त रुग्णांनी लाभ घ्यावा, असे आवाहन सर्च रुग्णालयाने केले आहे.
(#thegdv #gadchirolipolice #gadchirolinews #thegadvishva #muktipath )

 

LEAVE A REPLY

Please enter your comment!
Please enter your name here