गडचिरोली : टिपागड जंगल परिसरातुन नक्षल्यांनी पुरून ठेवलेले स्फोटक व इतर साहित्य हस्तगत

3392

– गडचिरोली पोलीस दलाची नक्षल विरोधी कारवाई
The गडविश्व
गडचिरोली, ९ एप्रिल : नक्षल्यांनी घातपाती हिंसक कारवाया करण्यासाठी टिपागड जंगल परिसरात पुरून ठेवलेले स्फोटक व इतर साहित्य हस्तगत करण्यात गडचिरोली पोलीस दलास यश आले आहे. यात एक १२ बोर रायफल, ०२ स्फोटके व ईतर साहित्य हस्तगत करण्यात आले आहे.
नक्षली शासनविरोधी विविध घातपाती हिंसक कारवाया करण्यासाठी विविध प्रकारचे शस्त्र व स्फोटक साहित्यांचा वापर करतात व ते साहित्य सुरक्षा दलांना धोका पोहचविण्याच्या उद्देशाने गोपनियरित्या जंगल परिसरात जमिनीमध्ये पुरुन ठेवतात. अशा पुरुन ठेवलेल्या साहित्यांच्या वापर नक्षल्यांकडून नक्षल सप्ताह तसेच ईतर प्रसंगी केला जातो. दरम्यान ७ एप्रिल २०२३ रोजी सकाळी ११:०० ते १२:०० वा. दरम्यान उपविभाग धानोरा अंतर्गत पोमके गॅरापत्ती हद्दीतील टिपागड जंगल परिसरात मिळालेल्या गोपनिय खबरीच्या आधारे गॅरापत्ती पोलीस पार्टी व सिआरपीएफ चे जवान नक्षल विरोधी अभियान राबवित असतांना जवानांना नुकसान पोहचवण्याच्या उद्देशाने संशयीत ठिकाणी लपवुन ठेवलेले नक्षल साहित्य शोधुन काढण्यात पोलीस जवानांना यश आले. मिळुल आलेल्या डंम्पमध्ये १२ बोर रायफल, देशी बनावटीचे ०२ स्फोटके, नक्षल लिखाण साहित्य, बॅनर, शुज व ईतर दैनंदिन वापराचे साहित्य हस्तगत करण्यात आले.
सदर कामगिरी पोलीस अधीक्षक नीलोत्पल सा., अपर पोलीस अधीक्षक (अभियान) अनुज तारे सा., अपर पोलीस अधीक्षक (प्रशासन) कुमार चिंता सा., अपर पोलीस अधीक्षक यतिश देशमुख सा. (अहेरी) व उपविभागीय पोलीस अधिकारी धानोरा स्वप्नील जाधव यांचे मार्गदर्शनाखाली पार पडली. अभियानात सहभागी असलेल्या गॅरापत्ती पोलीस पार्टीच्या जवानांचे पोलीस अधीक्षक सा. यांनी कौतुक केले आहे. तसेच जिल्हाभरात नक्षलविरोधी अभियान तीव्र करण्याचे सांगितले असुन, नक्षलवाद्यांनी नक्षलवादाची हिंसक वाट सोडुन आत्मसमर्पण करुन सन्मानाने जिवन जगण्याचे आवाहन केले आहे.

(The gdv) (the gadvishva) (gadchiroli police) (naxal) (tipagadh forest)

LEAVE A REPLY

Please enter your comment!
Please enter your name here