The गडविश्व
मुंबई/नागपूर, दि. ०२ : राज्यातील नगरपालिका आणि नगरपंचायतींच्या निवडणुकीचे सर्व निकाल २१ डिसेंबर रोजी एकत्र जाहीर करण्याचे आदेश मुंबई उच्च न्यायालयाच्या नागपूर खंडपीठाने दिले आहेत. दरम्यान, २० डिसेंबरपर्यंत आचारसंहिता लागू राहील आणि या कालावधीत कोणालाही एक्झिट पोल प्रसिद्ध करता येणार नाही, असेही कोर्टाने स्पष्ट केले.
दोन दिवसांपूर्वी राज्य निवडणूक आयोगाने काही नगरपरिषद व नगरपंचायतींच्या निवडणुका न्यायालयीन प्रक्रियेमुळे पुढे ढकलल्या होत्या. आज राज्यभर मतदान पार पडत असताना मूळ कार्यक्रमानुसार निकाल उद्या जाहीर होणार होता; मात्र न्यायालयाच्या आदेशांनुसार सर्वच ठिकाणचे निकाल आता २१ डिसेंबर रोजीच लागणार आहेत.
निवडणुकीची पारदर्शकता राखण्यासाठी व निकालामुळे पुढील निवडणुकांवर होणारा संभाव्य परिणाम टाळण्यासाठी ही याचिका दाखल करण्यात आली होती. वर्ध्यातील देवळी येथील उमेश कामडी व अन्य, तसेच वरोरा येथील सचिन चुटे व इतरांनी दाखल केलेल्या याचिकांवर न्यायमूर्ती अनिल किलोर व रजनीश व्यास यांच्या खंडपीठासमोर सुनावणी होऊन हा निर्णय देण्यात आला.
राज्य निवडणूक आयोगाने पूर्वी ४ नोव्हेंबरला २४६ नगरपालिका व ४२ नगरपंचायतींच्या निवडणुका २ डिसेंबर रोजी घेऊन ३ डिसेंबरला निकाल जाहीर करण्याची योजना आखली होती. मात्र, काही उमेदवारांवरील न्यायालयीन याचिकांमुळे संबंधित प्रभागांसह संपूर्ण नगरपालिका व नगरपंचायतींच्या निवडणुका पुढे ढकलाव्या लागल्या. यासाठी २९ नोव्हेंबरला सुधारित कार्यक्रम जाहीर करण्यात आला.
सुधारित वेळापत्रकानुसार २० डिसेंबर रोजी मतदान होणार असून २१ डिसेंबरला निकाल जाहीर होणार आहे.
आज मतदानासाठी वापरण्यात आलेली सर्व ईव्हीएम मशिन्स २१ डिसेंबरपर्यंत सुरक्षित ठेवावी लागणार असल्याने निवडणूक विभागावर अतिरिक्त ताण पडणार असल्याची शक्यता व्यक्त होत आहे.
#thegdv #thegadvishva #gadchirolipolice #gadchirolipolice #gadchirolinews नक्कीच! खालील बातमीसाठी #English tags देत आहे —
#ElectionResult #MunicipalElections #NagpurBench #HighCourtOrder #ExitPollBan #ModelCodeOfConduct #Maharashtra #LocalBodiesElection #CountingDay #21December #ECOrder #NagpurHighCourt #PollingUpdate #ElectionNews
