– नागपूर व बुट्टीबोरी येथील नामवंत ब्युटी व्हॉईस सलून इन्स्टिट्यूट चा उपक्रम
The गडविश्व
ता.प्र / देसाईगंज, ७ ऑक्टोबर : ‘बेस्ट कोस्मेटोलॉजीस्ट आणि ट्रेनर आंतरराष्ट्रीय ग्लोरी अवार्ड – २०२२’ ची मानकरी ठरलेल्या ब्यूटी वॉईस इंटरनॅशनल सलोन तथा इन्स्टिटूट व ब्यूटी वॉईस फाउंडेशन च्या चेअरमन डॉ. सलमा अकील सय्यद ( एन. डी. ) यांनी आताच काही दिवसांपूर्वी देसाईगंज शहरात भेट देत तरुण मुलींना रोजगार प्रशिक्षणाचे मार्गदर्शन केले होते व जिल्ह्यातील देसाईगंज, कुरखेडा, आरमोरी येथील मुलींना ब्यूटी वॉईस इंटरनॅशनल सलोन तथा इन्स्टिटूट येथे मोफत प्रवेश देऊन त्यांना हेअर ब्युटी, मेकअप, हेअर ट्रांसप्लांट, डिप्लोमा इन हेअर, डिप्लोमा इन स्किन, अश्या विविध अभ्यासक्रमाचे जिल्ह्यातील शेकडो आदिवासी दुर्बल मुलींना प्रशिक्षण दिले.
आज स्त्री आणि पुरुष दोघांनाही माहित आहे की चांगले दिसल्याने आत्मविश्वास वाढतो जो आजच्या स्पर्धात्मक युगात पुढे जाण्यासाठी खूप महत्त्वाचे आहे. सुंदर दिसण्याच्या लोकांच्या इच्छेमुळे, विविध सौंदर्य उपचारांची मागणी वाढत आहे, म्हणूनच सौंदर्य उद्योगात काम करण्यासाठी प्रशिक्षित लोकांना देशातून आणि परदेशातून मागणी वाढत आहे. त्वचा तज्ज्ञ, केस, मेकअप आणि टॅटू कलाकारांसाठी कामाची कमतरता नाही. आता प्रत्येकालाच केस, मेकअप, स्किन ट्रीटमेंट, टॅटू ब्युटीशियनकडून करून घ्यायचे आहेत. सौंदर्य उद्योगात केवळ व्यावहारिक असणे नव्हे तर व्यावसायिक तज्ञ असणे ही काळाची गरज आहे. ज्याला केवळ काम कसे करावे हे माहित नाही तर त्वचा विज्ञान, त्वचा शरीर रचना, केस विज्ञान, स्नायू प्रणाली, रासायनिक ज्ञान आणि त्याबरोबरच व्यवसाय व्यवस्थापन, ग्राहक हाताळणी इत्यादींचे प्रशिक्षण घेणे आवश्यक आहे. ब्युटीव्हॉईस फाउंडेशन जी महिला आणि तरुणांच्या हितासाठी काम करणारी सक्षमीकरण संस्था आहे. ब्युटी व्हॉईस फाऊंडेशनने अशा तरुणी आणि ब्युटीशियन्ससाठी ऑनलाइन, ऑफलाइन अंतर किंवा सेंटर डिप्लोमा प्रमाणित ब्युटी पार्लर कोर्स उपलब्ध करून देणे सुरू केले आहे, ज्यामध्ये सलून मॅनेजमेंट, केस आणि ब्युटी सायन्स, स्पेशल ट्रीटमेंट, ब्युटी डिप्लोमा, सौंदर्य व्यवसाय यशस्वीपणे चालवण्यासाठी व्यावसायिक प्रशिक्षण यांचा समावेश आहे. हेअर डिप्लोमाचे प्रशिक्षणही दिले जातील. ब्युटीशियन त्यांच्या सोयीनुसार ऑनलाइन आणि ऑफलाइन कोर्स करू शकतात. गडचिरोली जिल्ह्यात आपुलकीची भावना ठेवत ब्यूटी वॉईस इंटरनॅशनल सलोन तथा इन्स्टिटूट व ब्यूटी वॉईस फाउंडेशन च्या चेअरमन डॉ. सलमा अकील सय्यद ( एन. डी. ) यांनी जिल्ह्यातील मागासलेल्या भागातील आणखी सुशिक्षित बेरोजगाांसाठी नवनवीन उपक्रम तयार करून त्या गडचिरोली जिल्ह्याला भेट देवून पुनश्च तरुण मुलींना प्रशिक्षणाच्या माध्यमातून स्वयंरोजगाराचे मार्ग उपलब्ध करून देणार आहे याकरिता गडचिरोली जिल्ह्यातील तरुणींनी मोठ्या संख्येने या सुवर्ण संधीचा लाभ घ्यावा असे आवाहन यावेळी ब्यूटी वॉईस इंटरनॅशनल सलोन तथा इन्स्टिटूट व ब्यूटी वॉईस फाउंडेशन च्या चेअरमन डॉ. सलमा अकील सय्यद ( एन. डी. ) यांनी केले.
