– ट्रकचालक गंभीर जखमी
The गडविश्व
नागभीड, १ सप्टेंबर : नजीकच्या औद्योगिक प्रशिक्षण संस्थेजवळ नागभीड -नागपूर मार्गावर बस आणि ट्रक ची समोरासमोर धकड बसून भीषण अपघात झाल्याची घटना आज १ सप्टेंबर रोजी सकाळी ९ वाजताच्या सुमारास घडली. या अपघातात ट्रक चालक गंभीर जखमी झाल्याचे कळते.
ब्रम्हपुरी मार्गे बस ही नागपूरच्या दिशेने जात होती तर मालवाहू ट्रक हा नागपूरच्या दिशेने येत होता. दरम्यान नागभीडच्या बाहेर औद्योगिक प्रशिक्षण जवळ नागभीड-नागपूर या मुख्य मार्गावर ट्रक आणि बस ची समोरासमोर जबर धडक बसली. यात ट्रक आणि बसचे मोठ्या प्रमाणात नुकसान झाले. अपघात झाल्यानंतर काही काळ वाहतूक खोळंबली होती तर घटनास्थळी क्रेन दाखल झाली होती. बातमी लिहेस्तव जखमींचे नावे कळू शकली नाही.
