– गुणतालीकेची यादी व लेखीपरिक्षेकरीता पात्र झालेल्या उमेदवारांची यादी, लेखीपरिक्षेचा दिनांक लवकरच
The गडविश्व
गडचिरोली, दि. १३ : पोलीस दलामार्फत १० जागांसाठी चालक पोलीस शिपाई भरती तसेच ९१२ जागांकरिता पोलीस शिपाई भरती प्रक्रिया राबविण्यात येत असून दोन्ही भरतीकरिता मैदानी चाचणी १९ जून पासून गडचिरोली पोलीस मुख्यालयातील पोलीस कवायत मैदान येथे अत्याधुनिक तंत्रज्ञानाचा वापर करून राबविण्यात येत होती. शनिवार १३ जुलै रोजी सदर दोन्ही परीक्षेची मैदानी चाचणी संपन्न झाली असून मैदानी चाचणी दिलेल्या सर्व उमेदवारांच्या गुणतालीकेची यादी व लेखीपरिक्षेकरीता पात्र झालेल्या उमेदवारांची यादी तसेच लेखीपरिक्षेचा दिनांक लवकरच गडचिरोली पोलीस दलाच्या अधिकृत संकेतस्थळावर उपलब्ध करुन देण्यात येणार आहे असे पोलीस अधीक्षक यांनी माध्यमांशी बोलताना सांगितले.
गडचिरोली चालक पोलीस शिपाईच्या १० पदाकरिता २२५८ उमेदवारांनी आपले अर्ज सादर केले होते. त्यापैकी १५६१ पुरुष व २६७ महिला उमेदवार शारिरीक चाचणी करीता हजर झाले व त्यापैकी १३६३ पुरुष व १७६ महिला उमेदवारांनी प्रत्यक्ष मैदानी चाचणी दिली. सदर उमेदवारांची वाहन कौशल्य चाचणी एम.आय.डी.सी. मैदानावर प्रादेशिक परिवहन अधिकारी, गडचिरोली (आरटीओ) यांच्या समक्ष पार पडली. तसेच पोलीस शिपाईच्या ९१२ पदाकरिता एकुण २४५७० उमेदवारांनी अर्ज सादर केले होते. त्यापैकी १३३४२ पुरुष उमेदवार व ६४०० महिला उमेदवार हजर झाले व त्यापैकी ११८२६ पुरुष व ५३०८ महिला उमेदवार यांनी प्रत्यक्ष मैदानी चाचणी दिली. सदर पदभरती प्रक्रिया ही अत्याधुनिक तंत्रज्ञानाचा वापर करुन पुर्णपणे पारदर्शक पध्दतीने करण्यात आली.
‘असा’ केला अत्याधुनिक तंत्रज्ञानाचा वापर
– उमेदवारांची छाती-उंची या शारीरीक मोजणीकरीता पीएसटी (PST) Digital Physical Standard Test तंत्रज्ञानाचा वापर.
– उमेदवारांची १६०० मी. धावणे (पुरुष), ८०० मी. धावणे (महिला), १०० मी. धावणे (पुरुष व महिला) च्या चाचणी करीता (RFID) Based Technology चा वापर.
– गोळा फेक चाचणीकरीता Prism Technology चा वापर.
उमेदवारांना मैदानी चाचणी दरम्यान काही दुखापत झाल्यास तात्काळ उपचार होण्याकरीता मैदानातचं रुग्णालयाची सोय करण्यात आली. तसेच इतर काही अडचणी आल्यास त्याचे निराकरण पोलीस अधीक्षक यांचे समक्ष प्रत्यक्षरित्या करण्यात आले. दरम्यान मैदान चाचणीच्या शेवटच्या दिवशी १३ जुलै रोजी गडचिरोली जिल्ह्रातील सर्व माध्यम प्रतिनिधींना बोलावून पोलीस भरती मैदानी शारिरीक चाचणीमध्ये वापरण्यात आलेल्या अत्याधूनिक तंत्रज्ञानाचे प्रात्यक्षिक दाखविण्यात आले.
गुणतालीका, लेखी परीक्षा पात्र उमेदवार यादी, दिनांक कधी ?
१९ जून पासून सुरू झालेल्या मैदानी चाचणी १३ जुलै रोजी संपन्न झाली. दरम्यान मैदानी चाचणी दिलेल्या सर्व उमेदवारांच्या गुणतालीकेची यादी व लेखीपरिक्षेकरीता पात्र झालेल्या उमेदवारांची यादी तसेच लेखीपरिक्षेचा दिनांक लवकरच गडचिरोली पोलीस दलाच्या अधिकृत संकेतस्थळावर उपलब्ध करुन देण्यात येणार आहे असे पोलीस अधीक्षक यांनी सांगितले आहे.
(#thegdv #thegadvishva #gadchirolinews #gadchirolipolice #gadchirolilocalnews #policerecrutment #policebharti2023 #policebharti 2024 #policerecrutment2024 #Gadchiroli: District Police recruitment field test completed using latest technology)
