– विद्यार्थ्यांना मिळाली नवीन वर्गखोली
The गडविश्व
अहेरी, १६ मार्च : जिल्हा परिषद गडचिरोली, पंचायत समिती अहेरी अंतर्गत व्येंकटापूर येथील जि.प.शाळेच्या नवीन वर्ग खोलीचे लोकार्पण माजी जि.प.अध्यक्ष अजय कंकडालवार यांच्या हस्ते नुकतेच करण्यात आले.
सदर जिल्हा परिषद शाळेत इयत्ता १ ली ते ४ थी पर्यत शिक्षण असून विद्यार्थी शिक्षण घेत आहेत मात्र या शाळेत वर्गखोलीची कमतरता असल्याने विद्यार्थ्याना शिक्षण घेण्यासाठी अडचण होत होती. याबाबत माजी जि.प.अध्यक्ष अजय कंकडालवार यांच्याकडे मागणी केली असता जि.प.अध्यक्ष असताना जिल्हा वार्षिक योजना अंतर्गत सदर वर्ग खोली मंजूर करून भूमिपूजन करण्यात आले होते.बांधकाम पूर्णत्वास आल्याने आज माजी जिल्हा परिषद अध्यक्ष( Ajjubhau ) अजय कंकडालवार यांच्या हस्ते लोकार्पण करण्यात आले. यावेळी अध्यक्ष म्हणून आवलमरी ग्रामपंचायत चे सरपंचा सौ.सुनंदा कोडापे होते तर प्रमुख अतिथी म्हणून उपस्थित कुकलारे (PSI) आवलमरी, वैकना कोडापे शाळा व्यवस्थापन अध्यक्ष, चिरंजीव चिलवेलवार उपसरपंच आवलमरी, मारोती मडावी ग्रा.प.सदस्य, विमलाबाई छटारे, प्रशांत गोडसेलवार नगरसेवक अहेरी, ग्रा.प.सदस्य, जेगय्या परकीवार, नानाजी मुरमाडे, द्रुपद मुरमाडे, दामोदर मुरमाडे, वासुदेव सिडाम, धनंजय सुनतकर, प्रकाश दुर्गे, राकेश सडमेक तसेच गावातील महीला पुरुष उपस्थित होते.
