The गडविश्व
गडचिरोली, दि. १२ : कर्मवीर दादासाहेब गायकवाड सबळीकरण व स्वाभीमान योजनेअंतर्गत अनुसूचित जाती व नवबौध्द घटकांमधील दारीद्रयरेषेखालील भूमिहीन कुटुंबाना शासनामार्फत ४ एकर कोरडवाहू किंवा २ एकर ओलिताखालील जमीन १०० टक्के अनूदानावर उपलब्ध करून द्यावयाची आहे. सदर जमीन शासनाने लाभार्थ्यांना खरेदी करून द्यावयाची आहे. त्याअनुषंगाने गडचिरोली जिल्हयातील ज्या शेतकऱ्यांना जमीन विकावयाची आहे त्यांनी विकत असलेल्या जमीनीचा ७/१२,जमिनीचा नकाशा, धारण करीत असलेल्या जमीनीचा तपशील (नमुना ८-अ), जमीन मोजणी “क” प्रत, गाव नकाशा, रु. १०० च्या स्टँम्पपेपरवर शपथपत्र इत्यादी माहितीसह जमीन विक्रीबाबतचा प्रस्ताव सहाय्यक आयुक्त,समाज कल्याण गडचिरोली यांचे कार्यालयास सादर करावा. जमीन खरेदीबाबत १४ ऑगस्ट २०१८ च्या शासन निर्णयानुसार कार्यवाही करण्यात येईल. अधिकच्या माहितीसाठी सहाय्यक आयुक्त, समाज कल्याण, गडचिरोली यांचे कार्यालयाशी संपर्क साधावा असे आवाहन करण्यात आले आहे.

(#thegadvishva #thegdv #gadchirolinews #surjagad #muktipath #gadchirioli )