– कारगिल चौक दुर्गा उत्सव मंडळामध्ये झाला निर्णय
The गडविश्व
गडचिरोली, दि. ०४ : शहरातील सुप्रसिद्ध कारगिल चौक दुर्गा उत्सव मंडळच्या वतीने दुर्गा उत्सव मोठया उत्साहात साजरा होणार आहे. या परिसरात मास विक्रीचे दुकाने आहेत. हे नवरात्र उत्सवादरम्यान बंद राहणार आहे. याबाबतचा निर्णय नुकताच कारगिल चौक दुर्गा उत्सव मंडळामध्ये झाला आहे.
कारगिल चौक दुर्गा उत्सव मंडळ तर्फे दरवर्षी मोठा सहा उत्साहात येथे नवरात्र उत्सव साजरा होतो. मंडळतर्फे दुर्गा मातेच्या मूर्तीची स्थापना करण्यात येते. मार्केट लाईन मध्ये मोठया प्रमाणात मास विक्रीसाठी दुकान आहेत. सदर दुकान नवरात्री उत्सव दरम्यान बंद ठेवण्यात यावे अशी विनंती कारगील चौक दुर्गा उत्सव मंडळ चे अध्यक्ष उदय धकाते यांनी केली. या विनंतीला मान देऊन सर्व मास विक्री दुकानदारांनी दुर्गा उत्सव होईपर्यंत दुकान बंद ठेवण्याचा निर्णय घेतला. यात दुकानदारांच्या निर्णयाचा सर्व स्तरावरून कौतुक करण्यात येत आहे.
गडचिरोली शहरांत प्रथमच मास विक्री होणार नाही आहे. दुर्गा उत्सवनिमित्याने अनेक भाविक कारगिल चौक येथे देवीच्या दर्शनाला येतात. येथे देवीला नवस बोलला जातो आणि हा पूर्ण होतो असा अनेक भाविकांनी मंडळाला कळविले आहे. या मंडळाचे वैशिष्ट्य हे की दरवर्षी, इथे कुणी ना कोणी भाविक नवस पूर्ण झाल्यावर आपल्या परीने तो पूर्ण करतो. दरवर्षी कुणी ना कुणी दुर्गा मातेची मूर्ती भेट देत असतो. यावर्षी सुद्धा देवीची मूर्ती भेट स्वरूपात प्राप्त आहे. यावर्षीसुद्धा या मंडळने गरबा दांडिया उत्सव आयोजित केला आहे.नागपूर येथील वेलोकार ज्वेलर्स तर्फे उत्स्कृष्ठ गरबा नूत्य करणाऱ्याला एक ग्रॅम सोन्याची चपलाकंटी बक्षीस देण्यात येणार आहे. सहभागी स्पर्धाकाला खास कुपन देण्यात येणार आहे.
कारगिल चौक परिसरात मटण मार्केट असल्याने व याच परिसरात नवसाला पावणाऱ्या देवीची स्थापना कारगिल चौक दुर्गा उत्सवाच्या वतीने करण्यात आल्याने नवरात्र उत्सवादरम्यान सदर मटण मार्केट बंद राहणार आहे. प्रथमच असा निर्णय घेण्यात आल्याने मास विक्री करणाऱ्या दुकानदारांच्या निर्णयाचा सर्व स्तरावरून कौतुक करण्यात येत आहे.
