– दोघेजण गंभीर
The गडविश्व
गडचिरोली, दि. १४ : भरधाव ट्रकने दुचाकीला धडक देऊन झालेल्या अपघातात चिमुकल्यासह दोघेजण ठार तर दोघेजण गंभीर जखमी झाल्याची घटना गडचिरोली – सावली मार्गावरील हिरापुर नजीक १३ जुलै रोजी रात्रो ७.३० ते ०८ वाजताच्या दरम्यान घडली.
गडचिरोली – मूल मार्गावर नेहमीच वर्दळ असते. रात्रोच्या सुमारासही भरधाव वाहने या मार्गाने जात असतात. दरम्यान शनिवार १३ जुलै रोजी रात्रोच्या सुमारास गडचिरोली – सावली मार्गावरून जात असलेल्या दुचाकीला हिरापूर नजीक भरधाव ट्रकने धडक दिली. ही धडक एवढी भीषण होती की दुचाकीवरील दोघेजण ठार झाले तर दोघेजण गंभीर जखमी झाले आहेत. ठार झालेल्यांमध्ये एका चिमुकल्यासह इसमाचा संवेश असून गंभीर जखमी मध्ये एका वृद्ध महिलेसह इसमाचा समावेश आहे. घटनेची माहिती हिरापुर येथील नागरिकांना होताच घटनस्थळ गाठून पोलिसांना माहिती दिली. सावली पोलिसांनी घटनास्थळ गाठून जखमींना रुग्णालयात उपचाराकरिता दाखल केले. अपघातातील मृतक हे गडचिरोली जिल्ह्यातील चामोर्शी तालुक्यातील असल्याचे कळते. अपघातातील जखमी व मृतकांची नावे कळू शकली नाही.
(#thegdv #thegadvishva #gadchirolinews #accident #gadchiroli mul road accident)
