आपले अमूल्य मत दारूसाठी विकणार नाही

151

-जिल्हाभरातील १७० गावांमध्ये लेखी ठराव मुक्तिपथच्या आवाहनाला उत्तम प्रतिसाद
The गडविश्व
गडचिरोली, दि. ०९ : लोकसभा निवडणुकीच्या पार्श्वभूमीवर दारूबंदी असलेल्या गडचिरोली जिल्ह्यात मुक्तिपथ अभियानांतर्गत दारूमुक्त निवडणुक अभियान सुरू आहे. आतापर्यंत जिल्हाभरातील १७० गावांसह वार्डात ही लोकसभा निवडणुक दारूमुक्त करण्याचा सभा घेऊन, लेखी ठराव घेण्यात आले आहे. उमेदवारांना दारूचे वाटप करू देणार नाही, आपले अमूल्य मत दारूच्या बाटलीसाठी विकणार नाही, असा निर्धार जनतेनी केला आहे.
मुक्तिपथच्या पुढाकाराने आतापर्यंत अनेक गावांमध्ये दारूविक्री बंद करण्यात आली. पण निवडणूक काळात मतदारांना आमिष दाखवून मत मिळवण्याचा प्रयत्न उमेदवार आणि पक्षीय कार्यकर्ते करण्याची शक्यता असते. हा प्रकार घडू नये आणि दारुबंदी टिकून राहावी यासाठी मुक्तिपथ तर्फे लोकसभा निवडणूक दारूमुक्त करण्याचे आवाहन सर्व जनतेला केले आहे. या आवाहनाला उत्तम प्रतिसाद देत आतापर्यंत जिल्हाभरात १७० गाव व विविध शहरातील वार्डानी दारूमुक्त निवडणूक करण्याचा ठराव पारित केला आहे. यामध्ये वडसा -११ गाव ४ वार्ड, आरमोरी ८ गाव ४ वार्ड , कुरखेडा १२ गाव १ वार्ड, कोरची ७ गाव, धानोरा ११ गाव व १ वार्ड, गडचिरोली १८ गावे व ३ वार्ड, चामोर्शी २७ गावे व १ वार्ड, मुलचेरा – ७ गावे, एटापल्ली १९ गावे व ५ वार्ड, भामरागड १० गावे व ४ वार्ड, सिरोंचा – २१ गावे व २ वार्ड, अहेरी १९ गावे व ५ वार्ड आदी गावांचा समावेश असून इतरही गावांमध्ये दारूमुक्त निवडणुकीचे ठराव घेणे सुरू आहे.
दारूमुक्त निवडणुकीच्या जनजागृती अंतर्गत विविध फलकेही जिल्हाभर लावण्यात आली. मुक्तिपथ व गाव संघटनेच्या वतीने लोकांना दारूमुक्त निवडणुकीचे फायदे व नुकसान पटवून दिले जात आहे. गावागावांमधे बैठका घेऊन लोकांना जागृत करीत दारूमुक्त निवडणुकीचे ठराव घेणे सुरू आहे. या माध्यमातून अनेक पुरुष आपले बहुमूल्य मत दारूला विकणार नाही तर आपल्या नवऱ्याला दारू पाजणाऱ्या उमेदवारांना मत देणार नाही, असा निर्धार महिला करीत आहेत.
(#thegdv #thegadvishva #gadchirolinews #muktipath)

LEAVE A REPLY

Please enter your comment!
Please enter your name here