The गडविश्व
नेरी, २६ ऑगस्ट : स्थानिक जनता विद्यालय तथा कनिष्ठ महाविद्यालयात इयत्ता ५ वि मराठी विषय अनुसरून अरण्यलिपी तसेच वन्यजीव व पर्यावरण सुरक्षा मार्गदर्शन कार्यक्रम आयोजित करण्यात आला होता.
याप्रसंगी कार्यक्रमाचे अध्यक्ष प्राचार्य येरने, तर प्रमुख पाहुणे म्हणून ताडोबा वनविभागाचे राउंड ऑफिसर गिरसावळे, वनरक्षक ठाकूर, गाईड सुनील जांभुळे व इतर सर्व शिक्षक शिक्षिका कर्मचारी उपस्थित होते.
कार्यक्रम प्रसंगी राउंड ऑफिसर गिरसावळे व वनरक्षक ठाकूर यांनी विद्यार्थ्यांना अरण्यलिपी व वन्यजीव, पर्यावरण सुरक्षा बाबत मार्गदर्शन केले.
दरम्यान उपस्थित विद्यार्थ्यांनी प्रमुख पाहुण्यांना बरेच प्रश्न विचारून माहिती जाणून घेतली व कार्यक्रम बाबत समाधान व्यक्त केले.
कार्यक्रमाचे सूत्रसंचालन शिक्षक वैभव चौधरी तर आभार शिक्षक एम.डी.पिसे यांनी केले.
