The गडविश्व
गडचिरोली, दि. २२ : चातगाव येथील सर्च रुग्णालयात २४ एप्रिल २०२४ रोजी श्वसनविकार तपासणीचे आयोजन करण्यात आले आहे. या ओपीडी मध्ये दत्ता मेघे हॉस्पिटल सावंगी, वर्धा येथील विशेषज्ञ डॉक्टर तपासणी करिता येणार आहेत.
दमा (अस्थमा), सिगारेट मुळे झालेले श्वसन विकार, क्षयरोग व क्षयरोगा नंतर होणारे फुफ्फुस विकार, कोरोना मुळे उद्भवलेले फुफ्फुस विकार, लहान मुलांचा दमा, ॲलर्जी मुळे होणारे श्वसन विकार आजाराची तपासणी करण्यात येणार आहे. तसेच श्वसनाच्या समस्यांबाबत चेतावणी देणारे काही लक्षणे आहेत जसे श्वासोच्छवासाशी संबंधित समस्यांच्या सामान्य लक्षणांपैकी एक म्हणजे घरघर. याचा अर्थ असा होऊ शकतो की काहीतरी हवेला सहजतेने जाण्यापासून रोखत आहे. जेव्हा वारंवार छातीत दुखते, तेव्हा ते श्वसनाच्या समस्येचे संकेत देऊ शकते. खोकताना किंवा श्वास घेताना छातीत दुखते असे वाटत असेल तर ते धोक्याचे लक्षण आहे. श्वासोच्छवासाच्या समस्येची लक्षणे असतील जसे की नीट श्वास घेता येत नाही किंवा श्वास घेण्यास त्रास होत असेल तर श्वसनाचा आजार असू शकतो. खोकल्यापासून रक्त येते तेव्हा ते फुफ्फुसाचा विकार किंवा श्वसन रोगाचे लक्षण आहे. रक्त वरच्या श्वसनमार्गातून किंवा तुमच्या फुफ्फुसातून असू शकते. जुनाट खोकला श्वसनाच्या समस्यांना सूचित करतो. जेव्हा एक महिना किंवा त्याहून अधिक काळ खोकला येतो तेव्हा याचा अर्थ दीर्घकाळ खोकला आहे आणि याचा श्वसन प्रणालीची समस्या आहे. जास्त प्रमाणात ठसा येतो तेव्हा फुफ्फुसाचा आजार असू शकतो. तुम्हाला यापैकी कोणतीही लक्षणे आढळल्यास तुम्हाला कदाचित फुफ्फुसाचा संसर्ग किंवा श्वसनाचा आजार आहे.
गडचिरोली जिल्ह्यातील ग्रामीण व आदिवासी रुग्णांकरिता सर्च रुग्णालय विशेषज्ञ ओपीडी सुविधा प्रदान करीत आहे. श्वसन विकार ओपीडी ही दर महिन्याच्या चौथ्या बुधवारला नियोजित असून २४ एप्रिल २०२४ रोजी जास्तीत जास्त रुग्णांनी सर्च रुग्णालयात येऊन आरोग्य तपासणीचा लाभ घ्यावा असे आवाहन सर्च रुग्णालय करीत आहे. येताना आधारकार्ड व रेशन कार्ड सोबत घेऊन यावे.
(#thegdv #thegadvishva #muktipath #serchhospital )
