– वीस पेक्षा अधिक प्रवासी जखमी
The गडविश्व
गोंदिया, दि. २९ : शिवशाही बस उलटून भीषण अपघात झाल्याची घटना आज शुक्रवार २९ नोव्हेंबर रोजी दुपारी १२.३० वाजताच्या सुमारास गोंदिया – कोहमारा मार्गावरील डव्वा जवळ घडली. या भीषण अपघातात बसमधील ११ प्रवासी ठार झाल्याची माहिती असून २० ते २५ प्रवासी गंभीर जखमी झाल्याची प्राथमिक माहिती आहे. जखमींना तत्काळ गोंदिया येथील शासकीय वैद्यकीय महाविद्यालयात दाखल करण्यात आले आहे.
मिळालेल्या माहितीनुसार, भंडारा-गोंदिया ही शिवशाही बस आज शुक्रवार २९ नोव्हेंबर रोजी दुपारी भंडारा येथून गोंदियाकडे जात होती. दरम्यान डव्वा जवळ बस चालकाने एका दुचाकीला ओव्हरटेक करताना बस उलटली. जवळपास २० फूट रस्त्यापासून बस घासत गेली. या भीषण अपघातात बसमधील ११ प्रवासी ठार झाले तर २० ते २५ प्रवासी जखमी झाले आहे. अपघातातील गंभीर जखमी प्रवाशांची संख्या अधिक असल्याने यात मृतांचा आकडा वाढण्याची शक्यता वर्तविली जात आहे. अपघात होताच डव्वा येथील गावकऱ्यांनी अपघातस्थळी धाव घेत बसमध्ये अडकून पडलेल्या प्रवाशांना बाहेर काढले. अपघाताची माहिती मिळताच डुग्गीपार पोलिस स्टेशनचे पोलिस घटनास्थळी दाखल झाले. भीषण अपघातामुळे गोंदिया-कोहमारा मार्गावरील वाहतूक काही वेळ ठप्प झाली होती.
(#thegdv #thegadvishva #gadchirolinews #accident #gondiya #gadchirolinews #gadchirolipolice )
