– आमदार डॉ. देवराव होळी यांनी लाडक्या बहिणींना उपस्थित राहण्याचे केले आवाहन
The गडविश्व
गडचिरोली, दि. २४ : राज्याचे लाडके मुख्यमंत्री ना. एकनाथ शिंदे, उपमुख्यमंत्री ना. देवेंद्र फडणवीस (देवा भाऊ) यांच्या लाडक्या बहिणींचा मेळावा चामोर्शी तालुक्यातील कुरुड व कुनघाडा जिल्हा परिषद क्षेत्र अंतर्गत नियोजित करण्यात आला असून २५ सप्टेंबर रोजी कुरुड येथे सकाळी ११ वाजता तर कुनघाडा येथे दुपारी २ वाजता होणार आहे तरी या मेळाव्याला मोठ्या संख्येने उपस्थित रहावे असे आवाहन गडचिरोली विधानसभा क्षेत्राचे आमदार डॉ देवराव होळी यांनी या माध्यमातून केले आहे.
हा मेळावा कुरुड येथे ग्रामपंचायत पटांगण परिसर तर कुणघाडा येथे वर्धमान राईस मिल येथे आयोजित करण्यात आला आहे. या मेळाव्यामध्ये मुख्यमंत्री लाडकी बहीण योजना, वयोश्री योजना, तीर्थ दर्शन योजना, यांची नवीन नोंदणी करण्यात येणार आहे. तसेच आमदार डॉ. देवराव होळी यांनी निधी उपलब्ध करून दिलेल्या महिला प्रभाग संघाच्या सभागृहांचे भूमिपूजनही करण्यात येणार आहे. तरी या मेळाव्याला लाडक्या बहिणींनी मोठ्या संख्येने उपस्थित राहावे असे आवाहन त्यांनी केले आहे.

(#thegdv #thegadvishva #gadchirolinews #muktipath)