देसाईगंज : दुचाकीच्या भीषण अपघातात एकाचा जागीच मृत्यु तर एक जखमी

1236

आमदार कृष्णा गजबे मदतीला आले धावून 
The गडविश्व
ता. प्र / देसाईगंज, दि. १५ : कुरखेडा मार्गावरील शंकरपुर गावानजीक आग्याबोवा मंदिरात शेजारी रोडच्या कडेला शेळ्या राखत असताना समोरून येणाऱ्या दुचाकीने शामराव मोतीराम पर्वते यांना जबर धडक धडक दिली. या धडकेत शामराव यांचा जागीच मृत्यू झाला तर दुचाकी चालक स्वप्निल सत्यवान लांजेवार हा गंभीर जखमी झाला. ही घटना १४ जुलै रोजी दुपारी १२ वाजताच्या सुमारास घडली.
शामराव मोतीराम पर्वते (वय ६३) हे स्वतःच्या घरच्या शेळ्या राखत होते. दरम्यान शंकरापुरकडे जात असलेल्या दुचाकी चालक स्वप्नील सत्यवान लांजेवार याने शामराव पर्वते यांना जबर धडक दिली. धडक एवढी भीषण होती की ५० ते ६० फूट फरफटत नेले. यात त्यांचा जागीच मृत्यू झाला. तर स्वप्निल लांजेवार हा गंभीर जखमी झाला. अपघातानंतर स्वप्नील हा रस्त्याच्या कडेला पडून असताना त्याचदरम्यान आमदार कृष्णा गजबे हे कोरेगाव वरून कार्यक्रम आटपून येत असताना स्वप्निलला स्वतःच्या गाडीत टाकून रुग्णालयात नेले व दाखल करण्यात आले. स्वप्निलची प्रकृती गंभीर असल्याने जिल्हा रुग्णालयात गडचिरोली येथे पुढील उपचारासाठी पाठवण्यात आले. पुढील तपास पोलीस निरीक्षक अजय जगताप यांच्या मार्गदर्शनाखाली पोलीस उपनिरीक्षक ज्ञानेश्वर धनगर ,पोलीस उपनिरीक्षक चौधरी ,पोलीस हवालदार पाळी, कुमोटी अधिक तपास करीत आहेत.

(#thegdv #thegadvishva #gadchirolinews #gadchirolipolice )

LEAVE A REPLY

Please enter your comment!
Please enter your name here