– जंगल परिसरात चकमकीचा थरार
The गडविश्व
गडचिरोली, दि. १३ : जिल्ह्यातील दक्षिणेच्या जंगल परिसरात पोलीस नक्षल चकमक उडल्याची घटना समोर आली आहे. या चकमकीत दोन महिला नक्षलींसह तिघांना कंठस्नान घालण्यात गडचिरोली पोलिस दलास यश आले आहे. या घटनेने नक्षली संघटनेला मोठा हादरा बसल्याचेही बोलल्या जात आहे.
मिळालेल्या माहितीनुसार, नक्षल्यांच्या टीसीओसी कालावधी दरम्यान पेरमीली दलमचे काही सदस्य भामरागड तालुक्यातील कतरंगट्टा गावाजवळील जंगल परिसरात लपून बसले असल्याची माहिती गडचिरोली पोलीस दलास मिळाली असता गडचिरोली पोलिस दलाच्या सी -६० जवानांची तुकडी शोधमोहीम रबविण्याकरिता रवाना करण्यात आली. दरम्यान आज १३ मे रोजी जवानांची तुकडी सदर परिसरात पोहचली असता नक्षल्यांनी जवानांवर अंधाधुंद गोळीबार केला. जवानांनीही प्रत्युत्तरादाखल गोळीबार केला. काही काळ चाललेल्या या चकमकीत जवानांचा वाढता दबाव पाहून नक्षली जंगलाचा फायदा घेत पसार झाले. चकमकीनंतर परिसराची झडती घेतली असता एक पुरुष व दोन महिला नक्षल्यांचे मृतदेह आढळून आले. दरम्यान मृतकांमध्ये पेरमिली दलमचा प्रभारी आणि विभागीय समितीचा कमांड वासू अशी ओळख पटली असून इतर दोन महिला नक्षल्यांची ओळख पटलेली नाही अशी माहिती आहे.
घटनास्थळावरून मोठ्या प्रमाणात नक्षली साहित्य व स्वयंचलित शस्त्रे जप्त करण्यात आली असून नक्षल्यांच्या मोठा घातपात करण्याचा डाव होता असेही बोलल्या जात आहे. दरम्यान गडचिरोली पोलीस दलाद्वारे परिसरात नक्षलविरोधी अभियान अधिक गतिमान करण्यात आले आहे.
(#thegdv #thegadvishva #gadchirolinews #gadchirolipolice #naxal #naxalencounter)
