– इयत्ता बारावीचा निकाल जाहीर
The गडविश्व
ता. प्र / कुरखेडा, दि. २१ : श्री.शिवाजी शिक्षण प्रसारक मंडळ गडचिरोली व्दारा संचालित शिवाजी कनिष्ठ महाविद्यालय कुरखेडा चा इयत्ता १२ वी विज्ञान विभागाचा निकाल १०० टक्के लागला असून , कला विभागाचा निकाल ९४.४४ टक्के लागला तर एच.एस.सी. व्होकेशनल विभागाचा निकाल ९३.३३ टाके लागला आहे.
विज्ञान विभागातून कु.तन्वी अनिल साळवे हिने ६८ टक्के गुण मिळवून शाळेतून प्रथम त्याचबरोबर कु.याश्मिना वामन लांजेवार हिने ६७ टक्के गुण मिळवून व्दितीय, तिसऱ्या क्रमांकावर संयुक्तपणे कु.नलिनी गिरीधर सिंद्राम हिने ५९ टक्के व शुभम अरविंद सहारे ५९ टक्के गुण मिळवून तृतीय क्रमांक मिळवला आहे.
कला विभागातून कु.अंजली तुळशीदास तुलावी हिने ७५.३३ टक्के गुण मिळवून शाळेतून पहिला क्रमांक मिळवला आहे तसेच व्दितीय मोनेश्वर कुंभकरण दुधकवर याने ६७.३३ टक्के गुण मिळवलेला आहे, तृतीय क्रमांक कु.अमिषा राजकुमार बारई हिने ६९.३३ टक्के गुण मिळवलेले आहे.
एच.एस.सी. व्होकेशनल विभागातून दुशांत जितेंद्र सहारे याने ६६.८३ टक्के गुण मिळवून शाळेतून पहिला, केतनकुमार महेश बसोना याने ६५.८३ टक्के गुण मिळवून शाळेतून व्दितीय येणाचा मान मिळवला आहे, दीक्षित रुपेश वालदे ६५.६७ टक्के गुण व गीतेश वामन प्रधान याने ६५.६७ टक्के मिळवून शाळेतून संयुक्तपणे तृतीय क्रमांक मिळवला आहे.
या निकालाबाबत महाविद्यालयाचे प्राचार्य डॉ.अविनाश गौरकार यांनी समाधान व्यक्त करून विद्यार्थ्यांनी आपल्या पुढील वाटचालीस सकारात्मक दृष्टीकोन ठेऊन उच्च शिक्षणाची कास धरावी, आपला व आपल्या कुटुंबाचा व महाविद्यालयाचा नाव लौकिक करावा असे मत व्यक्त केले व गुणवंत विद्यार्थ्यांचे तसेच सर्व पालकांचे प्राचार्य डॉ.अविनाश गौरकार यांचे हस्ते पुष्पगुच्छ देऊन सत्कार करण्यात आले.
कनिष्ठ महाविद्यालयाच्या यशाचे श्री.शिवाजी शिक्षण प्रसारक मंडळ , गडचिरोली चे अध्यक्ष अनिल पाटील म्हशाखेत्री, संस्थेचे सचिव गोविंदराव बानबले व शिवाजी हायस्कूल तथा कनिष्ठ महाविद्यालय कुरखेडा चे शाळा समिती अध्यक्ष अरुण पाटील मुनघाटे तसेच संस्थेच्या सर्व पदाधिकारी यांनी विद्यार्थ्यांचे कौतुक केले व शुभेच्छा दिल्या .
गुणवंत विद्यार्थ्यांनी आपल्या यशाचे श्रेय प्राचार्य डॉ.अविनाश गौरकार व विद्यालयाचे पर्यवेक्षक किशोर कोल्हे, प्रा.विजय मेश्राम, प्रा.स्वनिल खेवले, प्रा.कालिदास सोरते, प्रा.मनोज सराटे, प्रा.विवेक गलबले, प्रा.लीकेश कोडापे, विद्यालयाचे वरिष्ठ लिपिक अनिल बांबोळे व सर्व प्राध्यापकांना दिले आहे.
(#thegdv #thegadvishva #gadchirolinews #kurkheda #hscresult2024)
