The गडविश्व
ता. प्र / कुरखेडा, दि. १५ : अज्ञात वाहनाच्या धडकेत दुचाकी चालक ठार झाल्याची घटना कुरखेडा – पुराडा मार्गावरील लेंढारी गावानजीक शनिवार १४ डिसेंबर रोजी सायंकाळी ६.३० वाजताच्या सुमारास घडली. हिवराज पुरषोत्तम मारगाये (वय ३१) रा.गोठणगांव असे अपघातात मृत्यू झालेल्या युवकाचे नाव आहे.
प्राप्त माहितीनुसार, हिवराज हा अंतरगाव येथे मामा च्या घरी गेला होता दरम्यान शनिवारी सायंकाळी तिथून दुचाकीने परत येत असताना अज्ञात वाहनाने त्याच्या दुचाकीला धडक दिली. अपघातानंतर तो रस्त्याच्या कडेला पडून असल्याचे नागरिकांना दिसून आले असता कुरखेडा येथील रुग्णवाहिका बोलावून त्याला उपजिल्हा रुग्णालयात दाखल करण्यात आले मात्र वैद्यकीय अधिकाऱ्यांनी तपासून मृत घोषित केले. हिवराज क्या अशा अपघाती निधनाने त्याच्या कुटुंबावर दुःखाचा डोंगर कोसळला आहे.
