– सोमनपल्लीत साकारणार मा.सा. कन्नमवार सभागृह
The गडविश्व
ता.प्र / चामोर्शी, दि.११ : तालुक्यातील सोमनपल्ली येथे माजी मुख्यमंत्री दादासाहेब उर्फ मा.सा. कन्नमवार यांच्या १२४ व्या जयंतीनिमित्त मा.सा. कन्नमवार यांच्या अर्धाकृती स्मारकाचे लोकार्पण तसेच सभागृह बांधकामाचे भूमिपुजन काल १० जानेवारी रोजी करण्यात आले.
कार्यक्रमाचे उद्घाटन विदर्भ बेलदार समाज संघटनेचे प्रांतीय अध्यक्ष चंद्रशेखर कोटेवार होते. कार्यक्रमाच्या अध्यक्षस्थानी गडचिरोली विधानसभा क्षेत्राचे आमदार डाॅ. देवराव होळी होते. उपाध्यक्ष म्हणून बेलदार समाज संघटनेचे प्रांतीय कार्याध्यक्ष आनंदराव अंगलवार, सहउद्घाटक विदर्भ बेलदार समाज संघटनेचे प्रांतीय उपाध्यक्ष प्रा. राजु कात्रटवार, प्रमुख अतिथी म्हणून सोमनपल्लीचे सरपंच निलकंठ निखाडे, भाजपा आदिवासी आघाडीचे प्रदेश महामंत्री प्रकाश गेडाम, सोमनपल्ली ग्रा.पं. चे सचिव अलोणे, कुनघाडा जि.प. शाळेच्या मुख्याध्यापिका बांबोळे, माजी सरपंचा सुनिताताई मेकर्तीवार आदी मान्यवर उपस्थित होेते.
कार्यक्रमाचे संचालन बेलदार संघटना सोमनपल्लीचे सचिव तथा शिक्षक टिळक दत्तुजी पेशट्टीवार यांनी केले. प्रास्ताविक बेलदार समाज संघटना सोमनपल्लीचे अध्यक्ष अशोक गाजुलवार यांनी केले तर आभार दिपक पेद्दीवार यांनी मानले. कार्यक्रमाच्या यशस्वीतेसाठी बेलदार संघटना सोमनपल्लीचे उपाध्यक्ष यादव बोडावार, सहसचिव गणेश पेद्दीवार, कोषाध्यक्ष तानाजी पेदापल्लीवार, सदस्य सुरेश मेकर्तीवार, सुनिल पुप्पलवार, संजय अंगलवार, शकर पेदापल्लीवार, प्रभाकर पुप्पलवार, दिवाकर पेदापल्लीवार, साईनाथ पोत्राजवार तसेच बेलदार समाजातील नागरीक व युवकांनी सहकार्य केले. कार्यक्रमानंतर सांस्कृतिक कार्यक्रमाचे आयोजन करण्यात आले होते.
