The गडविश्व
गडचिरोली, दि. १४ : गडचिरोली विधानसभा क्षेत्राचे आमदार डॉ. देवराव होळी यांनी विकासकामांच्या लोकार्पण व भूमिपूजनाचा धडाका लावला असून नुकताच धानोरा शहरातील विविध १२ कोटी रुपयांच्या विकास कमाचे लोकार्पण व भूमिपूजन केले.
धानोरा शहरातील विकासकामांमध्ये तालुका क्रिडांगण ५ कोटी, बाजार ओटे व वाचनालाय ३ कोटी, नगरातील मुख्य रस्ते १.५ कोटी, विविध प्रभागातील २.५ कोटी व इतर विविध विकासकामांचे आमदार डॉ. देवराव होळी यांच्या हस्ते लोकार्पण व भूमिपूजन करण्यात आले.
यावेळी नगर परिषदेच्या नगराध्यक्षा पौर्णिमा सयाम, उपाध्यक्ष ललित बरछा, तालुका अध्यक्ष लताताई पुंघाटे, अंतूभाऊ साळवे, कृ. उ. बाजार समिती संचालक हेमंत बोरकुटे, नगरसेवक संजय कुंडू, शहर अध्यक्ष सारंग साळवे, नगरसेवक लंकेश म्हशाखेत्री, सरपंच परमेश्वर गावडे, बाळूभाऊ उंदीरवाडे, ता. महामंत्री गणेश भूपतवार, सुभाष धाईत, विजय कुमरे, प्रकाश मारबते, साजन गुंडावार, घनश्याम मडावी, राकेश दास, राकेश खरवडे, महादेव गणोरकर, रुपेश चुधरी, देविदास मोहुर्ले तसेच पदाधिकारी, कार्यकर्ते उपस्थित होते.
