The गडविश्व
गडचिरोली, ६ ऑगस्ट : गावातील महिला दारूबंदीसाठी सक्रिय कार्य करीत असून ही कृती वारंवार करावी लागेल तरच दारूविक्रीबंदी होईल व टिकून राहील आणि गावाचा विकास होईल, असे प्रतिपादन मुक्तिपथ अभियानाचे संचालक तपोजे मुखर्जी यांनी केले.
एटापल्ली तालुक्यातील अतिदुर्गम गाव म्हणून ओळख असलेल्या बांडे गावाला त्यांनी भेट देऊन गावसंघटनेच्या सदस्या सोबत चर्चा केली. यावेळी बांडे मुक्तिपथ गाव संघटना सदस्य पेका गुंडरू, सैनु गुंडरू, मीनाबाई मट्टामी, मुन्नी तिगा, रामजी गुंडरू यांच्यासह गाव संघटनेचे सदस्य तसेच तालुका संघटक किशोर मलेवार उपस्थित होते. गावातील दारूविक्रीबंदी टिकवून ठेवण्यासाठी गाव संघटनेणे सतत जागृत राहून कृती करत राहिले पाहिजे, गावात दारू विक्री होत नसली तरी, घरगुती दारू काढणे सुद्धा बंद झाले पाहिजे तरच गावातील लोकांचा विकास होईल असे मुखर्जी म्हणाले.
दरम्यान, गावात दाखल होताच गाव संघटनेच्या वतीने मुखर्जी यांचा सत्कार करण्यात आला. यावेळी दारूबंदीसह विविध उपक्रमासंदर्भात त्यांनी गाव संघटना सदस्य व गावकऱ्यांशी संवाद साधला., तसेच हेडरी येथील विनोबा भावे आश्रम शाळेला भेट देऊन विद्यार्थ्यांशी संवाद साधला. यावेळी शाळेतील शिक्षक उपस्थित होते.
