– मुख्यमंत्री कार्यालयाने निवडणुकाबाबत केले स्पष्ट
The गडविश्व
मुंबई, २८ ऑक्टोबर : राज्यातील नगरपालिका आणि महानगरपालिकांच्या आगामी निवडणुका जानेवारी महिन्यात घेण्यात येणार आहेत, असे वृत्त काही प्रसारमाध्यमांनी दिले असून त्यात कोणतेही तथ्य नाही. यासंदर्भात सर्वोच्च न्यायालयात सुनावणी सुरू असून अंतिम निकालानंतर राज्य निवडणूक आयोग या निवडणुकांसंदर्भात निर्णय घेईल, असे मुख्यमंत्री कार्यालयाने स्पष्ट केले आहे.
मुदत संपलेल्या नगरपालिका आणि महानगरपालिकांमध्ये प्रशासक नियुक्त केले असून त्यांच्या माध्यमातून कारभार सुरू आहे. स्थानिक स्वराज्य संस्थांच्या निवडणुका हा विषय राज्य निवडणूक आयोगाचा आहे. त्यामुळे राज्य शासन जानेवारी महिन्यात या निवडणुका घेणार आहे असे काही प्रसारमाध्यमांनी दिलेले वृत्त तथ्यहीन आहे, असेही मुख्यमंत्री कार्यालयाने स्पष्ट केले आहे.
राज्यातील नगरपालिका-महापालिकांच्या निवडणुका जानेवारी महिन्यात होणार असल्याचे वृत्त काही प्रसारमाध्यमांनी दिले, मात्र त्यात तथ्य नाही. यासंदर्भात सर्वोच्च न्यायालयातील सुनावणीच्या अंतिम निकालानंतर राज्य निवडणूक आयोग निर्णय घेणार असल्याचे मुख्यमंत्री कार्यालयाने स्पष्ट केले आहे. pic.twitter.com/EhxcsqNO0M
— MAHARASHTRA DGIPR (@MahaDGIPR) October 27, 2022
