जंगलपरिसरातील १२ क्विंटल मोहफुलाचा सडवा नष्ट

92

 

The गडविश्व
गडचिरोली,९ जुलै : तालुक्यातील रानभुमी-जांभळी जंगलपरिसरातील जवळपास १ लाख ५० हजार रुपये किमतीचा १२ क्विंटल मोहफुलाचा सडवा व साहित्य नष्ट केल्याची कृती गडचिरोली व धानोरा मुक्तिपथ तालुका चमूने संयुक्तरित्या गुरुवारी केली.
जांभळी-रानभुमी जंगलपरिसरीत हातभट्ट्या लावून दारू विक्रेते दारू गाळतात. याच दारूविक्रेत्यांच्या माध्यमातून जिल्हा मुख्यालयासह नजीकच्या मेंढा, बोदली, सावरगाव व इतर गावांना दारू पुरवल्या जाते. सदर जंगलपरिसरात दारूविक्रेत्यानी मोहफुलाचा सडवा टाकला असल्याची माहिती गाव संघटनेकडून प्राप्त झाली. मिळालेल्या माहितीच्या आधारे गडचिरोली व धानोरा मुक्तिपथ तालुका चमूने संयुकरित्या जंगलपरिसरात शोधमोहीम राबविली. दरम्यान विविध ठिकाणी हातभट्या, मोहफुलाचा सडवा, दारू गाळण्याचे साहित्य आढळून आले. जंगलपरिसरातील जवळपास १२ क्विंटल मोहसडवा व साहित्य असा एकूण १ लाख ५० हजारांचा मुद्देमाल नष्ट करण्यात आला. या कृतीमुळे अवैध दारूविक्रेत्यांचे नुकसान करण्यात मुक्तिपथ तालुका चमूला यश आले आहे.

LEAVE A REPLY

Please enter your comment!
Please enter your name here