The गडविश्व
गडचिरोली, १० जानेवारी : घरासमोर लावण्यात आलेले लोखंडी गेट अंगावर कोसळून गंभीर जखमी झालेल्या अडीच वर्षीय चिमुकलीचा उपचारादरम्यान दुर्देवी मृत्यू झाल्याची घटना गडचिरोली शहरातील गोकुलनगर वार्डात घडली. एकता देवेंद्र लोनबले असे मृतक चिमुकलीचे नाव आहे.
गडचिरोली शहरातील गोकुलनगर मधील शिवाजी विज्ञान महाविद्यालयानजीक वास्तव्यास असलेल्या देवेंद्र लोनबले यांची मुलगी एकता ही ८ जानेवारी रोजी दुपारच्या सुमारास शेजारच्या घरासमोर खेळत होती. दरम्यान कम्पाउंड भिंतीला लावलेले लोखंडी गेट एकताच्या अंगावर कोसळले. त्यामध्ये तीच्या डोक्याला गंभीर दुखापत झाली. तात्काळ तिला जिल्हा सामान्य रूग्णालयात दाखल करण्यात आले व पुढील उपचाराकरिता नागपूर येथे हलविण्यात आले. परंतु उपचारादरम्यान रविवारी रात्रो १० वाजताच्या सुमारास मृत्यू झाला. सदर घटनेने गोकुळनगर परिसरात हळहळ व्यक्त करण्यात येत असून कुटुंबावर दुखाचा डोंगर कोसळलेला आहे.
(The Gadvishava) (Gadchiroli News) (Oxford utd vs Arsenal) (CA Final Result) (Chanda Kochhar) (TCS share Price) (GATE 2023 Admit Card) (Sajid Khan) (Delhi School news) (Man City vs Chelsea) (Sports) (Atlético Madrid vs Barcelona)
