The गडविश्व
गडचिरोली, दि. ०१ : धानोरा तालुक्यातील चातगाव स्थित ‘सर्च’ रुग्णालयात मुंबई येथील तज्ञ डॉक्टरांच्या सहकार्याने नियमित पेन ब्लॉक शिबीर (वेदना व्यवस्थापन इंजेक्शन) सुरु झाले आहे, प्रत्येक महिन्याच्या पहिल्या शनिवारी ही आरोग्य सुविधा असून शनिवार ०४ जानेवारी २०२५ रोजी सर्च रुग्णालयात पोटविकार विशेषज्ञ ओपीडी व पेन ब्लॉक शिबीर घेण्यात येणार आहे.
गडचिरोली जिल्ह्यातील वेदना व्यवस्थापनाच्या रुग्णांची संख्या पाहता व दर महिन्यात झालेल्या ओपिडीला रुग्णांचा प्रतिसाद बघता सर्च येथील माँ दंन्तेश्वरी रुग्णालयात शनिवार ०४ जानेवारी ला ही पेन ब्लॉक शिबीर आयोजित केली असून हे पेन ब्लॉक शिबीर प्रत्येक महिन्याच्या पहिल्या शनिवारी राहिल. पाठीचा कणा दुखणे ,पाठदुखी, मज्जातंतू वेदना, लंबर स्पॉन्डिलायसिस: सकाळी कडकपणा, पाठीत वेदना, जास्त वेळ बसून राहिल्यास पाठ दुखणे, वाकताना किंवा उचलताना वेदना होणे,मानेचा स्पॉन्डिलायसिस: डोक्याच्या मागील बाजूस डोकेदुखी होणे या सर्वांचा उपचार होईल. तसेच पाय आणि हातांमध्ये अशक्तपणा येणे, मानेत कडकपणा जाणवणे, तोल गेल्यासारखे वाटणे, खांद्यापर्यंत मानेच्या वेदना होणे. पाय आणि खांद्यांमध्ये बधिरपणा येणे, मूत्राशयावर ताबा ठेवण्यास कठीण होणे, मागे वाकताना पाठीच्या मध्यभागी वेदना होणे, पाठीच्या कण्याची मागे पुढे हालचाल होताना वेदना होणे,टाचेचे दुखणे, डोकेदुखी यामुळे होणार्या वेदना,कर्करोग आजारांमुळे होणार्या तसेच शस्त्रक्रिया झाल्यानंतरच्या वेदना अशी लक्षणे असलेल्या रुग्णांनी दैनंदिन ओपीडी मध्ये येऊन तपासणी करून घ्यावी. ओपीडी मध्ये तपासणी झालेल्या रुग्णांना पेन ब्लॉक शिबिरासाठी बोलविण्यात येईल. मुंबईचे डॉ. जितेंद्र जैन व सहकारी डॉक्टरांची शिबिरामध्ये आरोग्य सुविधा देतील.

पोटविकार विशेषज्ञ ओपीडी
पोटविकार विशेषज्ञ ओपीडी करीता नागपूर येथील पोटविकार तज्ञ डॉ.सिद्धार्थ धांडे यांच्या सहकार्याने पोटविकार ओपीडीमध्ये तपासणी आणि एंडोस्कोपी व फाईब्रोस्कॅन तपासणी करण्यात येइल. फायब्रोस्कॅन चाचणी ही एक वैद्यकीय प्रक्रिया आहे. जी यकृताच्या आरोग्याचे मूल्यांकन करण्यासाठी वापरली जाते. हे यकृताची कडकपणा आणि लवचिकता मोजते, जे फायब्रोसिस आणि सिरोसिस सारख्या यकृत रोगांची उपस्थिती आणि तीव्रता याबद्दल मौल्यवान माहिती प्रदान करू शकते. यकृताची स्थिती निर्धारित करण्यासाठी हे उपकरण कंपनाचा वेग मोजते. हिपॅटायटीस सी, यकृत रोग आणि अल्कोहोल-संबंधित यकृत रोग यासारख्या परिस्थिती असलेल्या रुग्णांमध्ये यकृताच्या आरोग्यावर लक्ष ठेवण्यासाठी ही चाचणी सहसा वापरली जाते. तसेच पचनसंस्थेशी निगडीत विकाराचे निदान करण्यासाठी शारीरिक तपासणी उपचार केल्या जातील. पोटातील अल्सर, गिळण्यामध्ये अडचण व वेदना होणे, पित्ताशयातील खडे, छातीत जळजळ, पोटदुखी, पोट फुगणे, गॅस, अपचन, बद्धकोष्ठता, शौचातून रक्त पडणे, कावीळ (पांढरी व पिवळी ) रक्ताची उलटी, असामान्य आतड्याची हालचाल,मळमळणे,आतड्या मधील सुज,पातड शौच, अल्कोहोलिक लिव्हर डिसीज,पोटात पाणी ही पोटविकाराची लक्षणे असू शकतात. पाचन चिन्हे आणि लक्षणे कशामुळे उद्भवत आहेत हे निर्धारित करण्यासाठी एंडोस्कोपी तपासणी केल्या जाईल.
गडचिरोली जिल्हातील ग्रामीण व आदिवासी गरजू रुग्णांकरिता उत्कृष्ट दर्जाची आरोग्य सुविधा पुरविण्याच्या उद्देशाने सर्च रुग्णालय विशेष आर्थिक सुविधा देत आहे. ओपीडीमध्ये ईसीजी, एक्सरे, प्रयोगशाळा तपासणी व फायब्रोस्कॅन तपासणी तसेच डॉक्टरांनी लिहून दिलेल्या औषधांवर ५०% सवलत प्रदान करित आहे. तसेच ज्या रुग्णांना तपासणी नंतर एंडोस्कोपी प्रोसीजर व वेदना निवारण इंजेक्शन प्रोसीजर १००% मोफत दरात करण्यात येईल.
तरी ०४ जानेवारी २०२५ रोजी पोटविकार विशेषज्ञ ओपीडी व पेन ब्लॉक शिबीराचा लाभ जास्तीत जास्त रुग्णांनी करून घेण्याचे आवाहन सर्च रुग्णालयाने केले आहे. येताना आधारकार्ड व रेशन कार्ड सोबत घेऊन यावे.