– शिक्षणमंत्री दादाजी भुसे यांचे स्पष्ट आदेश
The गडविश्व
मुंबई, दि. १० : राज्यातील सर्व शाळांमध्ये – मग त्या अनुदानित असोत वा विनाअनुदानित, सरकारी असोत वा खासगी – मराठी भाषा शिकवणे आता बंधनकारक आहे. शालेय शिक्षणमंत्री दादाजी भुसे यांनी याबाबत कठोर निर्देश देत, मराठी विषयाच्या प्रभावी अंमलबजावणीसाठी शाळा प्रशासनाने गांभीर्याने लक्ष देण्याचे सांगितले.
बृहन्मुंबई महानगरपालिका मुख्यालयात झालेल्या शालेय शिक्षण विभागाच्या आढावा बैठकीत भुसे यांनी विविध महत्त्वाचे निर्णय जाहीर केले. केंद्रीय मंडळाच्या (CBSE) शाळांमध्ये देखील मराठी शिकविणे आणि छत्रपती शिवाजी महाराजांचा इतिहास अध्यापन करणे बंधनकारक असल्याचे त्यांनी स्पष्ट केले. राष्ट्रगीतानंतर ‘गर्जा महाराष्ट्र माझा’ हे राज्यगीत म्हटले जाणेही सक्तीचे करण्यात आले आहे.
शाळांमध्ये विद्यार्थ्यांच्या संस्कार व सामाजिक जबाबदारी वाढवण्यासाठी ‘एक पेड माँ के नाम’ उपक्रम राबविण्याचे निर्देशही देण्यात आले. प्रत्येक विद्यार्थ्याला एका झाडाची जबाबदारी दिली जाईल आणि त्या झाडाचा वाढदिवस साजरा करण्यात येईल. यासाठी प्रत्येक झाडाला क्यूआर कोड देखील असणार आहे.
आगामी शैक्षणिक वर्षापासून इयत्ता चौथी व सातवीच्या विद्यार्थ्यांना शिष्यवृत्ती परीक्षेची संधी मिळणार आहे. बालभवन प्रकल्पाचे नूतनीकरण अंतिम टप्प्यात असून, विद्यार्थ्यांसाठी शैक्षणिक सहलींचे आयोजन करण्यात येणार आहे.
शाळांमध्ये सैनिकी प्रशिक्षणाची शक्यता, ‘पिंक रुम’ उपक्रम, गुणवत्तापूर्ण शिक्षणासाठी आयडॉल शिक्षक बँक, शिक्षणातील AI चा समतोल वापर, आरोग्य तपासणी, पानटपऱ्यांवर कारवाई, शिक्षक समायोजन यांसारख्या महत्त्वाच्या मुद्द्यांवरही भुसे यांनी स्पष्ट निर्देश दिले.
शालेय शिक्षणाच्या दर्जात सुधारणा करण्यासाठी सर्व संबंधितांनी सजग आणि तत्पर राहावे, असा ठाम संदेश मंत्री भुसे यांनी या बैठकीतून दिला.
#thegdv #thegadvishva #gadchirolinews #MarathiLanguageMandatory #SchoolEducation #DadajiBhuse #CBSEMarathi #GarjaMaharashtraMajha #OneTreeForMother #StudentWelfare #MaharashtraEducation #BalBhavan #AIInEducation #MilitaryTrainingInSchools #PinkRoomInitiative #IdealTeacherBank #SchoolDevelopment #MumbaiEducationNews
#गडचिरोली #अतिवृष्टी #नैसर्गिकआपत्ती #नुकसान #जिल्हाधिकारीआदेश #पंचनामा #आपत्तीव्यवस्थापन #शेतीनुकसान #सरकारीमदत #गडचिरोलीबातमी #MaharashtraNews
