-पेसा गावात मादक द्रव्य समिती गठीत
The गडविश्व
गडचिरोली, ६ फेब्रुवारी : देसाईगंज तालुक्यातील शिवराजपुर ग्रामपंचायत सभागृहात गाव सभा घेऊन अवैध दारूविक्री बंदीचा ठराव पारित करण्यात आला. सोबतच पेसा गावात मादक द्रव्य समिती सर्वानुमते गठीत करण्यात आली.
या सभेत गावातील नागरिकांनी सरपंच यांना निवेदन सादर करून दारूविक्रेत्यांवर कारवाई करण्याची मागणी केली. त्यावरून ग्रामपंचायत अंतर्गत येणाऱ्या तिन्ही गावांमध्ये अवैध दारूविक्री बंदीचा ठराव घेण्यात आला. कोणीही दारूविक्री केल्यास त्याला शासकीय दाखले व योजनांपासून वंचित ठेवण्यात येईल. दारूविक्रेत्यांकडून दंडात्मक रक्कम आकारण्यात येईल. तिन्ही गावातील पानठेले व किराणा दुकानांची नोंदणी करण्यात येईल. तसेच दारू पिणाऱ्यांवरही दंडात्मक कारवाई करण्याचा सर्वानुमते निर्णय घेण्यात आला.
यावेळी ग्रामपंचायतस्तरीय समितीचे अध्यक्ष सरपंच सुष्मा सयाम, उपसरपंच वाढई, ग्रामपंचायतचे सर्व सदस्य गण झिलपे, बघमारे, ग्रामसेविका मैंद, पोलीस पाटील दर्वे, दारू बंदी संघटनेचे सर्व युवक, सदस्य, गावातील प्रतिष्ठित नागरिक यांच्यासह गावकरी उपस्थित होते.
