अपील प्रलंबित ; गडचिरोली व आरमोरीतील चार नगरपरिषद सदस्य निवडणुका स्थगित
The गडविश्व
गडचिरोली, दि. ३० : राज्य निवडणूक आयोगाने जाहीर केलेल्या नगर परिषद निवडणूक कार्यक्रमात महत्त्वाचा बदल करण्यात आला असून गडचिरोली व आरमोरी नगर परिषद क्षेत्रातील एकूण चार सदस्य पदांच्या निवडणुकांना स्थगिती देण्यात आली आहे. प्रलंबित अपीलांच्या विलंबीत निकालांमुळे हा निर्णय घेण्यात आला आहे.
राज्य निवडणूक आयोगाने ४ नोव्हेंबर २०२५ रोजी सार्वत्रिक निवडणूक कार्यक्रम जाहीर केला होता. मात्र, ज्या नगर परिषद/नगर पंचायतीतील काही प्रभागांसंदर्भातील अपीलांचे निकाल २२ नोव्हेंबरनंतर (२३ नोव्हेंबर किंवा त्यानंतर) जिल्हा न्यायालयांनी दिले, त्या प्रभागांमध्ये निवडणुका पूर्वनिर्धारित कार्यक्रमानुसार घेऊ नयेत, असे आयोगाने स्पष्ट निर्देश दिले आहेत.
तसेच, संबंधित प्रकरणात अध्यक्ष पदाचा समावेश असल्यास त्या संपूर्ण नगर परिषदेची निवडणूकच स्थगित करण्याचे आदेश २९ नोव्हेंबर २०२५ रोजी जारी करण्यात आले.
या निर्देशांनुसार गडचिरोली नगरपरिषद प्रभाग १अ, ४ब आणि ११ब, तसेच आरमोरी नगरपरिषद प्रभाग १०अ येथील सदस्य निवडणुकांना अधिकृतरीत्या स्थगिती देण्यात आली आहे.
आता या प्रभागांसाठी सुधारित निवडणूक कार्यक्रम जाहीर करून निवडणुका घेण्यात येतील, अशी माहिती जिल्हाधिकारी अविश्यांत पंडा यांनी दिली.
#thegdv #thegadvishva #gadchirolinews #ElectionStay #Gadchiroli #Armori #MunicipalElections #StateElectionCommission #AppealPending #PollsDeferred #RevisedSchedule #DistrictAdministration #BreakingNews
