The गडविश्व
सिंदेवाही, दि. ०८ : सिंदेवाही-मुल महामार्गावर रविवारी रात्री झालेल्या भीषण अपघातात तब्बल १८ जण जखमी तर त्यापैकी एकाची प्रकृती गंभीर असल्याची घटना घडली. विसर्जन मिरवणूक पाहून परतत असताना टाटा एस व ट्रॅक्टर यांच्यात जोरदार धडक होऊन हा अपघात घडला.
जखमींना तात्काळ सिंदेवाही ग्रामीण रुग्णालयात हलविण्यात आले. प्राथमिक उपचारानंतर गंभीर जखमींना पुढील उपचारासाठी चंद्रपूर जिल्हा रुग्णालयात दाखल करण्यात आल्याची माहिती आहे.
या अपघातानंतर जबाबदारी कोणाची यावर ग्रामस्थांमध्ये चर्चा रंगली असली तरी पोलिस तपासानंतरच खरी कारणमीमांसा स्पष्ट होणार आहे. दरम्यान, सामाजिक संघटनांनी महामार्गावर वेगमर्यादा काटेकोरपणे पाळावी, वाहनचालकांनी दक्षता घ्यावी आणि विशेषतः रात्रीच्या वेळी अधिक सतर्क राहण्याचे आवाहन केले आहे. घटनेचा पुढील तपास सिंदेवाही पोलिसांकडून सुरू आहे.
#thegdv #thegadvishva #gadchirolinews #gadchirolipolice #chandrpurnews #accident
