६ ऑगस्ट ला ‘सर्च’ माँ दंन्तेश्वरी दवाखान्यात वेदना व्यवस्थापन ओपिडी

594

– मुंबईचे तज्ञ डॉ. जितेन्द्र जैन करतील रुग्णांची तपासणी
The गडविश्व
गडचिरोली, १ ऑगस्ट : शरीराचे दुखणे हाताळणे कठीण होऊ शकते आणि जर लक्षणांकडे दुर्लक्ष केले तर त्याचे परिणाम धोकादायक असू शकतात. अशावेळी डॉक्टरांकडे जाणे आणि उपचार घेणे महत्त्वाचे आहे. गडचिरोली जिल्ह्यातील रुग्णांची संख्या बघता व मागील महिन्यात झालेल्या ओपिडीला रुग्णांचा प्रतिसाद बघता सर्च येथील माँ दंन्तेश्वरी दवाखान्यात ६ ऑगस्ट रोजी वेदना व्यवस्थापन ओपिडीचे आयोजन करण्यात आले आहे. ही ओपीडी प्रत्येक महिन्याच्या पहिल्या शनिवारी होईल.
या ओपीडी चे मार्गदर्शन मुंबईचे तज्ञ डॉ. जितेन्द्र जैन हे करतील. या ओपीडीमध्ये पाठीचा कणा दुखणे ,पाठदुखी, मज्जातंतू वेदना, लंबर स्पॉन्डिलायसिस: सकाळी कडकपणा, पाठीत वेदना, जास्त वेळ बसून राहिल्यास पाठ दुखणे, वाकताना किंवा उचलताना वेदना होणे, मानेचा स्पॉन्डिलायसिस: डोक्याच्या मागील बाजूस डोकेदुखी होणे या सर्वांचा उपचार होईल. तसेच पाय आणि हातांमध्ये अशक्तपणा आणि अवघडलेपणा येणे, मानेत कडकपणा जाणवणे, तोल गेल्यासारखे वाटणे, खांद्यापर्यंत मानेच्या वेदना होणे. पाय आणि खांद्यांमध्ये बधिरपणा येणे, आतडी आणि मूत्राशयावर ताबा ठेवण्यास कठीण होणे, मागे वाकताना पाठीच्या मध्यभागी वेदना होणे, पाठीच्या कण्याची मागे पुढे हालचाल होताना वेदना होणे आणि शस्त्रक्रिया झाल्यानंतरच्या वेदना या सर्वांवर उपचार होईल. या वेदना व्यवस्थापन ओपिडीचा लाभ घेण्यासाठी रुग्णांना नोंदणी करण्याचे आवाहन सर्चच्या व्यवस्थापनाणे केले आहे.

LEAVE A REPLY

Please enter your comment!
Please enter your name here