नक्षल्यांनी गोपनीय सैनिकाची धारदार शस्त्राने केली निर्घृण हत्या

227

– आधी अपहरण मग धारदार शस्त्राने हत्या, सीआरपीएफ कॅम्पजवळ आढळला मृतदेह

The गडविश्व
बिजापूर : छत्तीसगडमधील विजापूर जिल्ह्यात नक्षल्यांनी पुन्हा एकदा डोके वर काढत खळबळ उडवून दिली आहे. नक्षल्यांनी एका गोपनीय सैनिकावर धारदार शस्त्राने वार करून हत्या केल्याची घटना विजापूर पोलीस ठाण्याच्या घडली आहे. हत्येनंतर गोपनीय सैनिकाचा मृतदेह गांगलूर रोडवरील सीआरपीएफ कॅम्पजवळ फेकून दिला. सदर मृतदेह पोलिसांनी ताब्यात घेतला आहे. शुक्रवार-शनिवारी रात्रोच्या सुमारास १० हून अधिक नक्षल्यांनी ही घटना घडवून आणल्याचे सांगण्यात येत आहे. एसपी कमलोचन कश्यप यांनी या घटनेला दुजोरा दिला आहे.
प्राप्त माहितीनुसार, हा गोपनीय सैनिक आंदो पोयाम जिल्ह्यातील नक्षलग्रस्त भाग कुत्रूच्या तुंगोलीचा रहिवासी आहे. नक्षल्यांनी आधी गोपनीय सैनिकाचे अपहरण केले, नंतर त्याच्यावर धारदार शस्त्राने हल्ला करून त्याची हत्या केली. त्यानंतर मृतदेह रस्त्यावर फेकून दिला. आज शनिवारी सकाळी रस्त्यावरून जाणाऱ्या नागरिकांनी मृतदेह पाहिल्यानंतर याबाबत तत्काळ पोलिसांना माहिती दिली. घटनास्थळी पोहोचलेल्या जवानांनी गोपनीय सैनिकाचे मृतदेह बाहेर काढून पोस्टमॉर्टमसाठी जिल्हा रुग्णालयात पाठवला. गोपनीय सैनिक हे अंतर्गत भागात राहून नक्षल्यांच्या हालचाली आणि सैनिकांना आतील माहिती देण्याचे काम करायचे.

LEAVE A REPLY

Please enter your comment!
Please enter your name here