– मृतदेह आढळल्याने खळबळ
The गडविश्व
ता.प्र / नरेश ढोरे (आरमोरी) २ ऑक्टोबर : शहरातील रामसागर तलावात तरुणाचा मृतदेह आढळुन आल्याची घटना आज २ ऑक्टोबर रोजी उघडकीस आली. सदर घटनेने शहरात एकच खळबळ उडाली आहे. आदीत्य विनोद शिंदे (२१) असे मृतकाचे नाव आहे.
प्राप्त माहितीनुसार, मृतक हा गोंदिया जिल्ह्यातील देवरी येथील रहिवासी असून आरमोरी शहरातील कूंभारपुरा येथे वास्तव्यास होता.
काल शनिवार १ ऑक्टोबर रोजा तो घरुन बेपत्ता असल्याची माहिती मृतांच्या भावाने पो.स्टे.ला.दिली होती. त्याचा इकडे तिकडे शोध घेतला असता तो कुठेही आढळून आले नाहो. दरम्यान आज २ ऑक्टोबर रोजी अचानक त्याचा मृतदेह आरमोरी शहरातील रामसागर तलावात तरंगतांना आढळून आला. घटनेची माहिती त्वरित पो.स्टे. ला देण्यात आली. पोलिसांनी घटनास्थळ गाठून पंचनामा करून मृताची ओळख पटवून शवविच्छेदनासाठी उपजिल्हा रुग्णालय आरमोरी येथे पाठविण्यात आले व पोलिसांनी मर्ग दाखल केला असून सदर घटनेचा पुढील तपास पोलीस निरीक्षक मनोज काळबांडे यांच्या मार्गदर्शनाखाली रमेश लिंगायत व चिकणकर मेजर करीत आहेत.
