गडचिरोली जिल्ह्यातील पत्रकार संघटनांना नवी दिशा देणारे व्यंकटेश दुडमवार ‘उत्कृष्ट जिल्हाध्यक्ष’ पुरस्काराने सन्मानित
– राजस्थानचे राज्यपाल हरिभाऊ बागडे यांच्या हस्ते पंढरपूर येथे गौरव
The गडविश्व
गडचिरोली, दि. २० : जिल्ह्यातील पत्रकार संघटनांना मजबूत रचना देत प्रभावी नेतृत्व साकार करणारे व्हॉईस ऑफ मिडियाचे गडचिरोली जिल्हाध्यक्ष व्यंकटेश दुडमवार यांना राज्यस्तरीय ‘उत्कृष्ट जिल्हाध्यक्ष’ पुरस्काराने सन्मानित करण्यात आले. पंढरपूर येथील इस्कॉन सभागृहात १५ व १६ नोव्हेंबर रोजी झालेल्या राज्य शिखर अधिवेशनात राजस्थानचे राज्यपाल हरिभाऊ बागडे यांच्या हस्ते हा मानाचा पुरस्कार प्रदान करण्यात आला.
दुडमवार यांनी गेल्या दोन दशकांपासून इलेक्ट्रॉनिक माध्यमात कार्यरत राहून गडचिरोलीतील १२ तालुक्यांत संघटनेची भक्कम उभारणी केली. त्यांनी ३०० हून अधिक सदस्यांची वाढ करून संघटनात्मक कार्याला नवे बळ दिले असून त्यांच्या नेतृत्वाखाली ७५ पत्रकारांनी राज्य अधिवेशनात सहभाग नोंदवला.
पत्रकार बांधवांच्या सोयीसाठी गडचिरोलीत लवकरच पत्रकार भवन उभारण्याची योजना प्रत्यक्षात आणणार असल्याचेही दुडमवार यांनी जाहीर केले.
दुडमवार यांच्या या सन्मानाबद्दल राज्य प्रवक्ता महेश तिवारी, राज्य कार्यकारिणी सदस्य संजय तिपाले, मुकुंद जोशी, विदर्भ सरचिटणीस सुमित पाकलवार, जिल्हा कार्याध्यक्ष नसीर हाशमी, महिला विंगच्या जिल्हाध्यक्षा रोशनी बैस यांच्यासह जिल्ह्यातील व तालुक्यातील पदाधिकाऱ्यांनी हार्दिक अभिनंदन केले आहे.
#thegdv #thegadvishva #gadchirolinews #gadchirolipolice
