रांगी गावात महाश्रमदानाला उत्स्फूर्त प्रतिसाद ; ग्रामस्थांनी केली गावाची स्वच्छता
The गडविश्व
ता. प्र / धानोरा, दि. २२ : तालुक्यातील रांगी गावात मुख्यमंत्री समृद्ध पंचायतराज अभियानांतर्गत २० नोव्हेंबर २०२५ रोजी आयोजित महाश्रमदान उपक्रमाला ग्रामस्थांनी उत्स्फूर्त प्रतिसाद दिला. गुरुवार सकाळपासून ग्रामपंचायत चौक आणि परिसर स्वच्छ करण्यासाठी गावकरी मोठ्या संख्येने एकत्र आले.
गावातील कचरा गोळा करून घंटागाडीद्वारे त्याची विल्हेवाट लावण्यात आली. स्वच्छता उपक्रमामुळे संपूर्ण परिसरात स्वच्छता आणि स्वच्छ वातावरणाचा संदेश देणारी चळवळ उभी राहिली.
या उपक्रमात ग्रामपंचायत रांगिच्या सरपंच सौ. फालेश्वरी प्रदीप गेडाम, उपसरपंच नुरज सुरेश हलामी, सदस्य शशिकांत विठ्ठलराव साळवे, राकेश दयाराम कोराम, दिनेश इसन चापडे, सौ. विद्याताई हेमंत कपाट, सौ. अर्चना लक्ष्मीकांत मेश्राम, सौ. शशिकला उमाजी मडावी, सौ. वच्छला साईनाथ हलामी यांनी सहभाग नोंदवला.
तसेच संत गाडगेबाबा ग्राम स्वच्छता अभियान व राष्ट्रसंत तुकडोजी महाराज स्वच्छता समितीचे अध्यक्ष शांताराम दामाजी बर्डे, उपाध्यक्ष सौ. शशिकला नरेंद्र भुरसे, ग्रामपंचायत अधिकारी मकरंद बांबोडे तसेच ग्रामपंचायतीतील सर्व कर्मचारी आणि गावातील नागरिक मोठ्या प्रमाणात उपस्थित होते.
महाश्रमदानातून रांगी ग्रामस्थांनी एकजुटीने गाव स्वच्छतेचा आदर्श घालून दिला असून हा उपक्रम गावात स्वच्छता आणि जनजागृतीची नवी उभारी निर्माण करणारा ठरला.
