सावली : अवैध उत्खनन करताना ३ ट्रॅक्टरसह १ जेसीबी जप्त
– वनविभागाची धडक कारवाई
The गडविश्व
सावली, दि. २३ : सावली वनपरिक्षेत्राने अवैध उत्खननाविरोधात राबविलेल्या धडक मोहिमेत मोठे यश मिळवत ३ ट्रॅक्टर आणि १ जेसीबी जप्त केली. उपवनपरिक्षेत्र व्याहाड खुर्द अंतर्गत सिरशी बीटातील कढोली गावालगतच्या गट क्रमांक 144 मधील जंगलामध्ये विनापरवानगी अवैध उत्खनन सुरू असल्याची माहिती मिळताच वनविभागाने तत्काळ कारवाई केली.
21 नोव्हेंबर रोजी रात्री ८ वाजता क्षेत्र सहाय्यक राखुंडे आणि वनरक्षक महादेव मुंडे रात्रगस्त करीत असताना कढोली परिसरात यंत्रणांचा संशयास्पद आवाज ऐकू आला. खोदकामाच्या हालचाली सतत सुरू असल्याचे लक्षात येताच पथकाने वेगाने हालचाल करून उत्खनन माफियांना वेढा घातला.
दरम्यान या कारवाईत मलेशे नरसया मेरफुलवार (रा. हरांबा) यांच्या मालकीची जेसीबी तसेच महिंद्रा BV5332, स्वराज 843 XM व स्वराज 735 FE हे तीन ट्रॅक्टर जप्त करण्यात आले. घटनास्थळी पंचनामा करून भारतीय वन अधिनियम 1927 चे कलम 33(1)(इ) व 35(1)(ग) अंतर्गत गुन्हा नोंदविण्यात आला आहे.
या धडक मोहिमेत सतीश नागोसे, रमेश बोनलवार, सतीश मजोके, बंडू दुधे, रवी सोनुले, मारोती पिपरे, नेहरू पाल तसेच पीआरटी चमू शिरशी यांनी सक्रिय सहभाग नोंदवला.
पुढील तपास विभागीय वनाधिकारी राजन तलमले व सहाय्यक वनसंरक्षक विकास तरसे यांच्या मार्गदर्शनाखाली वनपरिक्षेत्र अधिकारी विनोद धुर्वे करीत आहेत. सावली तालुक्यातील अवैध उत्खनन करणाऱ्यांचे धाबे दणाणले असून वनविभागाची ही मोहीम मोठा चपराक ठरली आहे.
#thegdv #thegadvishva #gadchirolinews #gadchirolipolice #chandrpurnews #crimenews
