नगरपरिषद निवडणूक : उमेदवारांची पार्श्वभूमी आता एका क्लिकवर उपलब्ध
The गडविश्व
गडचिरोली, दि. २९ : स्थानिक स्वराज्य संस्थांच्या निवडणुकांची धामधूम सुरू असताना नगर परिषद निवडणूक काहीच दिवसांवर येऊन ठेपली आहे. निवडणुकीची प्रक्रिया अधिक पारदर्शक आणि जबाबदार करण्याच्या दृष्टीने राज्य निवडणूक आयोगाने एक महत्त्वाचे पाऊल उचलले आहे.
आता उमेदवारांकडून दाखल करण्यात आलेली नामनिर्देशन पत्रे तसेच त्यांच्या शपथपत्रांसह सर्व कागदपत्रे थेट ऑनलाइन पाहता येणार आहेत. ही सुविधा राज्य निवडणूक आयोगाच्या अधिकृत संकेतस्थळावर – https://mahasec.maharashtra.gov.in/ वर उपलब्ध करून देण्यात आली आहे.
यामुळे मतदारांना आपल्या प्रभागातील प्रत्येक उमेदवाराची मूलभूत माहिती, मालमत्ता तपशील, शैक्षणिक पात्रता ते गुन्हेगारी पूर्ववृत्तापर्यंत सर्वकाही एका क्लिकवर समजणार आहे.
मतदारांना सुजाण निर्णय घेण्यासाठी व पारदर्शक निवडणूक प्रक्रियेला बळकटी देण्यासाठी ही सुविधा एक मोलाचा उपक्रम ठरत असल्याचे मत व्यक्त केले जात आहे.
#thegdv #thegadvishva #gadchirolinews #gadchirolipolice #GadchiroliElections #CandidateAffidavits #ElectionTransparency #MunicipalElections #MahaSEC #ECIAffidavits #VoterRights #GadchiroliNews #ElectionAccountability
