‘कमलेश’ची गार्डही आली पोलिसांकडे : आणखी ३७ नक्षलवाद्यांचे एकाचवेळी आत्मसमर्पण
– ६५ लाखांच्या इनामी नक्षल्यांनी ठेवले शस्त्र
The गडविश्व
दंतेवाडा / विशेष प्रतिनिधी, दि. ३० : जिल्ह्यात एकाचवेळी तब्बल ३७ नक्षलवाद्यांनी आत्मसमर्पण करत हिंसाचाराचा मार्ग सोडला. विशेष म्हणजे, यामध्ये २७ इनामी नक्षली असून त्यांच्या नावावर मिळून ६५ लाख रुपयांचे बक्षिस जाहीर होते.
यातील सर्वात चर्चेत असलेले नाव म्हणजे कुमली उर्फ अनिता मंडावी, जी कुख्यात एसझेडसीएम कमलेशची वैयक्तिक गार्ड होती. कमलेशने तेलंगणामध्ये गुपचूप आत्मसमर्पण केल्याची माहिती मिळताच, कुमलीसह इतर नक्षलवाद्यांनीही शस्त्रे खाली ठेवण्याचा निर्णय घेतला.
https://x.com/ANI/status/1995080338423644484?s=19
पीएलजीएच्या ३ कंपन्यात सक्रिय
समर्पण करणारे हे नक्षली पीएलजीए कंपनी क्रमांक ६, कंपनी क्रमांक १०, कंपनी क्रमांक २ आणि आमदाई एरिया कमिटीमध्ये वर्षानुवर्षे सक्रिय होते अशी माहिती आहे. त्यामध्ये कुमली उर्फ अनिता, गीता उर्फ लख्मी, रंजन उर्फ सोमा मंडावी आणि भीमा यांच्यावर प्रत्येकी ८ लाख रुपये बक्षिस, तर एसीएम क्रांतीवर ५ लाख रुपये बक्षिस जाहीर होते.
थुलथुली मुठभेडीत सहभागी
कुमलीने सांगितले की, ती व तिचे काही सहकारी कुख्यात थुलथुली मुठभेडीत सहभागी होते. या भीषण चकमकीत डीआरजी जवानांनी ३८ नक्षलवाद्यांचा खात्मा केला होता. छत्तीसगडच्या इतिहासातील हा सर्वात मोठा एनकाउंटर मानला जातो. घटनास्थळावरून ३१ मृतदेह मिळाले होते, तर ७ मृतदेह नक्षलवादी घेऊन गेले होते.
दंतेवाडा जिल्हा पोलिस अधीक्षक गौरव राय यांनी सांगितले की,
“लोन वर्राटू व पूना मारगेम अभियानाच्या प्रभावामुळे नक्षलवाद्यांचा विश्वास वाढतो आहे. ६५ लाखांच्या इनामी नक्षलवाद्यांचे एकाचवेळी आत्मसमर्पण हे दंतेवाडा पोलिसांसाठी मोठे यश आहे.”
लोन वर्राटू मोहिमेअंतर्गत दंतेवाड्यात आतापर्यंत १,१६० नक्षलवादी आत्मसमर्पण करून मुख्य प्रवाहात दाखल झाले असून, त्यापैकी ३३३ जणांवर बक्षिस जाहीर होते.
#thegdv #thegadvishva #gadchirolinews
#Dantewada #NaxalSurrender #Naxalite #Chhattisgarh #LoneVarratu #PoliceAction #AntiNaxalOperation #SurrenderedNaxals #SecurityForces #BreakingNews #IndiaNews
