– सिनेस्टाईलने पाठलाग करत केली कारवाई
The गडविश्व
गडचिरोली, ३० मार्च : स्थानिक गुन्हे शाखेला मिळालेल्या गुप्त माहितीच्या आधारे सापळा रचून सिनेस्टाईलने पाठलाग करत वाहनासह तब्बल १७ लाख ८१ हजार ६०० रुपयांचा मुद्देमाल जप्त केल्याची कारवाई २९ मार्च रोजी रात्रोच्या सुमारास केली. या प्रकरणी वाहनचालका सोबत असलेला अमित बारई रा. गौरीपुर ता. चामोर्शी यास ताब्यात घेण्यात आले.
प्राप्त माहितीनुसार, स्थानिक गुन्हे शाखा, गडचिरोली ला चामोर्शी हद्दीतील दारु तस्कर शंकर अन्ना हा त्याचे सहकाऱ्यांच्या मार्फतीने चंद्रपुर जिल्हयातून मोठया प्रमाणात दारुची खेप आणणार आहे अशी गोपनीय माहिती मिळाली. त्यावरुन स्थानिक गुन्हे शाखा येथील अधिकारी व कर्मचारी यांनी हरणघाट मार्गावर रात्रोदरम्यान सापळा रचुन नाकाबंदी लावली. दरम्यान दारु वाहतुक करीत असलेल्या पिक अप वॅनने पोलीसांच्या इशाऱ्यास न जुमानता बॅरिकेटस तोडुन पळ काढला परंतु पोलीसांनी क्षणाचा विलंब न करता त्या वाहनाचा पाठलाग सुरु केला. यावेळी अवैध दारु वाहतुक करीत असलेल्या वाहन चालकाने कारवाई टाळण्याकरीता त्याचे ताब्यातील वाहन जंगल मार्गाने तसेच पोस्टे चामोर्शी व पोस्टे आष्टी येथील वेगवेगळ्या गावात नेले. परंतु पोलीसांनी १०० ते १२५ किमी सतत पाठलाग केल्याने वाहनचालक व त्याच्या साथीदाराने वाहन पोस्टे चामोर्शी हद्दीतील सोनापुर या गावाजवळ सोडुन पळ काढण्याचा प्रयत्न केला. परंतु पोलीसांनी त्यांचा पाठलाग करुन वाहनचालका सोबत असलेल्या अमित बारई रा. गौरीपुर ता. चामोर्शी यांस ताब्यात घेतले परंतु वाहनचालक राकेश मशीद रा. गौरीपुर ता. चामोर्शी अंधाराचा फायदा घेऊन घटनास्थळावरुन फरार झाला.
सदर वाहनात देशी दारुच्या १३९ पेट्या व विदेशी दारुच्या ५ पेटया दिसुन आल्याने पोलीसांनी सदर दारुचा मुद्देमाल व वाहतुकीकरीता वापरलेले पिकअप वाहन असे १७ लाख ८१ हजार ६०० रुपयांचा मुद्देमाल कारवाई करुन जप्त केला. याप्रकरणी पोस्टे चामोर्शी येथे दिलेल्या तक्रारीवरुन कलम ३५३ भादंवि सहकलम ६५ (अ), ९८ (२), ८३ मदाका सहकलम १८४ मोवाका अन्वये आरोपी शंकर अन्ना रॉय, राकेश मशीद व अमीत बारई यांचे विरुध्द गुन्हा नोंद करुन आरोपी नामे अमीत बारई यांस अटक करण्यात आली आहे.
सदर कारवाई पोलीस अधीक्षक नीलोत्पल सा., अपर पोलीस अधिक्षक (प्रशासन) कुमार चिंता सा., अपर पोलीस अधीक्षक (अभियान) अनुज तारे सा. व अपर पोलीस अधीक्षक अहेरी यतिश देशमुख सा. यांचे मार्गदर्शनात स्थानिक गुन्हे शाखा, गडचिरोली येथील पोलीस निरीक्षक उल्हास भुसारी यांच्या नेतृत्वाखाली पोउपनि राहुल आव्हाड, पोउपनि दिपक कुंभारे, नापोअं/ अकबर पोयाम, पोअं/ प्रशांत गरफडे, श्रीकांत बोईना, श्रीकृष्ण परचाके, मंगेश राऊत, सुनिल पुट्ठावार, सचिन घुबडे, चानापोअं / मनोहर येलम, शगीर शेख यांनी केलेली आहे.
(The gadvishva) (The gdv) (gadchiroli news crime) (Chamorshi ashti)
