– जिल्हा व सत्र न्यायाधीश आशुतोष नि. करमरकर यांचा न्यायनिर्वाळा
गडविश्व
गडचिरोली, दि. २५ : खुनाचा प्रयत्न करणाऱ्या आरोपीविरुद्ध सबळ पुरावा मिळून आल्याने न्यायालयात दोषारोप पत्र दाखल करुन खटला सत्र न्यायालयात चालवुन फिर्यादी व वैद्यकीय पुरावा, ईतर साक्षीदारांचे बयाण तसेच सरकारी पक्षाचा युक्तीवाद न्यायालयाने ग्राहय धरून आरोपी वैभव सखाराम गावडे रा. सिदेसुर, पो. येरकड, ता. धानोरा जि. गडचिरोली यास दोषी ठरवून जिल्हा व सत्र न्यायाधीश आशुतोष नि. करमरकर यांनी ५ वर्ष शिक्षा व ५ हजार रुपये दंड, दंड न भरल्यास ६ महिने वाढीव शिक्षा आज २५ जानेवारी रोजी सुनावली आहे.
पोलीस स्टेशन धानोरा (पोमकें येरकड) हद्दीतील चुडीयाल येथे हिरामण सावजी ताडाम, (५५) रा. चुडीयाल, ता. धानोरा येथे पत्नी व दोन मुलांसोबत राहतात. तसेच फिर्यादीची मजवी मुलगी सौ. सपना हिचे लग्न तिन वर्षापुर्वी सिदेसुर येथे आरोपी वैभव सखाराम गावडे, रा. सिदेसुर याचे सोबत आदिवासी रितिरीवाजाप्रमाणे झाले. आरोपी हा दारु पिण्याचे सवयीचा असल्याने नेहमी दोघांमध्ये भांडण होत होते. भांडण झाल्यावर गावपातळीवर पंचायत करुन भांडणे अनेकवेळा मिटवण्यात आले. तरीही आरोपीमध्ये काहीही सुधारणा न झाल्याने फिर्यादीने आपली मुलगी सपना व तिच्या दोन मुलांना स्वत: च्या माहेरी आणले असता १२ सप्टेंबर २०२० रोजी फिर्यादी रात्री जेवन करुन झोपलेले असतांना सुमारे ०९.३० वाजताच्या दरम्यान आरोपी दारुच्या नशेत येवुन मुलीला झोपेतून उठवुन व त्यांना सिंदेसुर येथे घेवून जातो असे म्हणत असतांना फिर्यादी याने उद्या सकाळी घेऊन जा असे म्हटले असता फिर्यादीला आपले खिशातुन धारदार चाकु काढून गळ्यावर चाकुने वार केला तेव्हा फिर्यादीने बाजुला ढकलुन आरडाओरडा केला असता तिथुन आरोपी पळून गेला, असे फिर्यादीच्या तोंडी रिपोर्ट वरुन पोलीस स्टेशन धानोरा येथे गुन्हा नोंद करण्यात आला.
फिर्यादीच्या तोंडी रिपोर्ट वरून पोलीस स्टेशन धानोरा येथे १४ सप्टेंबर २०२० रोजी गुन्हा दाखल करून आरोपीस १६ सप्टेंबर २०२० रोजी रात्रो ०९.५२ वा. अटक करून तपास पूर्ण करून आरोपी विरुध्द सबळ पुरावा मिळून आल्याने न्यायालयात दोषारोप पत्र दाखल करुन खटला सत्र न्यायालयात चालवुन, फिर्यादी व वैद्यकीय पुरावा, ईतर साक्षीदारांचे बयाण तसेच सरकारी पक्षाचा युक्तीवाद न्यायालयाने ग्राहय धरून २५ जानेवारी २०२४ रोजी आरोपी वैभव सखाराम गावडे रा. सिदेसुर, पो. येरकड, ता. धानोरा जि. गडचिरोली यास जिल्हा व सत्र न्यायाधीश आशुतोष नि. करमरकर कलम ३०७ भा.द.वी. मध्ये दोषी ठरवुन ५ वर्ष शिक्षा व ५ हजार रुपये दंड, दंड न भरल्यास ६ महिने वाढीव शिक्षा सुनावली आहे.
सरकार पक्षातर्फे सहा. जिल्हा सरकारी वकील निलकंठ एम. भांडेकर यांनी कामकाज पाहिले तसेच गुन्हाचा प्रथम तपास पोउपनि प्रशांत आर, कुंभार व अंतिम तपास पोनि विवेक बाबुराव अहिरे पोस्टे धानोरा यांनी केला. तसेच संबधीत प्रकरणात साक्षदारांशी समन्वय साधुन प्रकरणाची निर्गती करीता सेशन कोर्ट पैरवी अधिकारी व अंमलदार यांनी कामकाज पाहीले.
