गुरवळा येथे ‘कन्या वन समृद्धी’ योजनेअंतर्गत रोपांचे वाटप

85

The गडविश्व
गडचिरोली, २५ जुलै : वनपरीक्षेत्र अधिकारी, सामाजिक वनिकरण व ग्रामपंचायत गुरवळा यांच्या मार्फत सोमवार २५ जुलै रोजी ‘कन्या वन समृद्धी’ योजनेअंतर्गत रोपे वाटप कार्यक्रमाचे आयोजन करण्यात आले होते.
यावेळी कार्यक्रमाला अध्यक्षा म्हणून गुरवळासरपंचा सौ. दर्शना भोपये व प्रमुख पाहुणे म्हणून गडचिरोली वनविभागाचे सहाय्यक वनसंरक्षक सोनल भडके उपस्थित होते.
दरवर्षी प्रमाणे यंदाही सामाजिक वनिकरन विभागामार्फत हा कार्यक्रम आयोजित करण्यात आला होता. कन्या वनसमृद्धी योजने अंतर्गत मागील वर्षात ज्या कुटुंबात मुलगी जन्माला आली त्या कुटूंबातील पाल्यांना शासनामार्फत फळझाडे/बांबू/साग/इतर प्रजाती अशा १० रोपांचे वाटप करण्यात येते. भविष्यात या झाडांपासून मिळणारे उत्पन्न हे त्या मुलीच्या शिक्षणासाठी तसेच इतर आवश्यक खर्च भागविण्यासाठी उपयोगी होतील. गुरवळा संयुक्त समिती मार्फत गावचा विकास करण्यासाठी कटीबद्ध असल्याबाबत गडचिरोली वनविभागाचे सहाय्यक वनसंरक्षक सोनल भडके यांनी प्रतिपादन केले..
कार्यक्रमाला प्रामुख्याने गुरवळा ग्रामपंचायतचे उपसरपंच प्रकाश बांबोळे, वनव्यवस्थापन समिती अध्यक्ष निलकंठ गेडाम तसेच ग्रामपंचायत सदस्य चंद्रकांत भोयर व विलास अडेंगवार उपस्थित होते.
कार्यक्रमाचे सुत्रसंचालन सामाजिक वनिकरण, गडचिरोली वनक्षेत्रपाल धीरज ढेंबरे यांनी करून सदर योजना राबविण्यासाठी मार्गदर्शन केले.
कार्यक्रमाच्या यशस्वीतेसाठी वनपाल निलकंठ वासेकर यांनी विशेष प्रयत्न केले. कार्यक्रमाला सामाजिक वनिकरन परीक्षेत्र गडचिरोलीच्या वनपाल कु. विद्या उइके व वनरक्षक कु. मेश्राम तसेच अमित भुरले, जनार्दन तुंकलवार हे उपस्थित होते.
कार्यक्रमाची सांगता वनरक्षक कु. शितल खुळसंगे यांनी उपस्थितांचे तसेच ग्रामपंचायत गुरवळा व लाभार्थ्यांचे आभार मानून केले.

LEAVE A REPLY

Please enter your comment!
Please enter your name here