– १४ व्या आदिवासी युवा विनिमय कार्यक्रम २०२२-२३ अंतर्गत भारत भ्रमण
The गडविश्व
एटापल्ली, १८ मार्च : गृह मंत्रालय, युवा कार्यक्रम आणि क्रीडा मंत्रालय भारत सरकार, नवी दिल्ली यांच्या संयुक्त विद्यमाने आयोजित १४ व्या आदिवासी युवा विनिमय कार्यक्रम वर्ष २०२२-२३ अंतर्गत जगदीश मीना, पोलीस उपमहानिरीक्षक (ऑपरेशन) CRPF, गडचिरोली, शैलेंद्र कुमार कमाण्‍डेन्‍ट 191 बटा CRPF, नेहरू युवा केंद्र, गडचिरोली यांच्या मार्गदर्शनाखाली आणि जीवराज सिंह शेखावत, द्वितीय कमान अधिकारी १९१ बटा.CRPF यांच्या उपस्थितीत १७ मार्च २०२३ रोजी १९१ बटा. CRPF एटापल्ली मार्फत १२ व्या बॅचमधे २० आदिवासी तरुणांना भारत भ्रमणासाठी पाठविण्‍यात आले. यामध्ये जम्मू-काश्मीर करिता १२ तर गुवाहाटी करिता ८ तरुणांचा समावेश आहे.
गृह मंत्रालय, भारत सरकार यांच्या सहाय्याने आणि आर्थिक सहाय्याने आणि नेहरू युवा केंद्र संघटनेच्या माध्यमातून वर्ष २००६ पासून वामपंथी उग्रवाद विभाग (LWE) भागातील आदिवासी युवकांच्या विकासासाठी आदिवासी युवा विनिमय कार्यक्रमाचे आयोजन केले जात आहे. १४ व्या आदिवासी युवा विनिमय कार्यक्रम २०२२-२३ अंतर्गत, आतापर्यंत १९१ बटालियन CRPF च्या वतीने भारत भ्रमणासाठी १५० हून अधिक तरुणांना पाठवण्यात आले आहे.
या कार्यक्रमाचा मुख्य उद्देश आदिवासी तरुणांना भारताच्या समृद्ध सांस्कृतिक वारशाची जाणीव करून देणे, त्यांना विविधतेतील एकतेची संकल्पना आत्मसात करणे, त्यांना विकासात्मक उपक्रम आणि औद्योगिक प्रगतीची जाणीव करून देणे, त्यांना त्यांच्या समवयस्कांशी भावनिक संबंध विकसित करण्यात व त्यांचा स्वाभिमान वाढविण्यात मदत करणे आणि आदिवासी तरुणांना इतर क्षेत्रात प्रवृत्त करणे आहे. कार्यक्रमाच्या प्रमुख उपक्रमांमध्ये घटनात्मक अधिकारी, मान्यवर आणि प्रतिष्ठित व्यक्तींसोबत संवाद सत्रे, पॅनल चर्चा, व्याख्यान सत्र, आझादी का अमृत महोत्सव अंतर्गत उपक्रम, वक्तृत्व स्पर्धा, सांस्कृतिक कार्यक्रम, कौशल्य विकास, करिअर मार्गदर्शनाशी संबंधित उद्योग भेटी, महत्त्वाच्या आणि ऐतिहासिक स्थळांच्या भेटी इत्‍यादीचा समावेश आहे.
(The gadvishva) (The gdv) (MLA Krushna Gajbe) (Gadchiroli Armori news updates)
