The गडविश्व
मुलचेरा, १७ नोव्हेंबर : तालुक्यातील ग्रा.पं.कोठारी अंतर्गत लभानतांडा, कोपरल्ली चेक व कोलपल्ली येथे विविध विकास कामांचे भूमीपूजन माजी जिल्हा परिषद अध्यक्ष अजय कंकडालवार यांच्या हस्ते नुकतेच करण्यात आले.
अनेक वर्षापासून येथील नागरिकांची मागणी असताना या कडे दुर्लक्ष केले जात होते मात्र सरपंच व सदस्यांनी गावातील समस्या माजी जि.प.अध्यक्ष अजय कंकडालवार यांच्या कडे मांडल्या असता त्या वेळेस जिल्हा परिषदेच्या माध्यमातून गावातील विविध विकास कामे मंजूर करून गावातील समस्या सोडवण्याचा प्रयत्न करण्यात आले व सदर कामांचे भूमिपूजन नुकतेच करण्यात आले यामुळे गावातील नागरीकांनी समाधान व्यक्त केले.
या भूमिपूजन सोहळ्याला कोठारीच्या सरपंचा रोशनी कुसनाके, ग्रा.पं. सदस्य कालिदास कुसनाके, ग्रा.पं.सदस्या सौ.पल्लवीताई रतनपुरे, ग्रा.पं. सदस्या जीवणकला तलांडे, सरपंच अरुण कडते, कालिदास चौधरी, मूलचेराच्या नगरसेविका सौ.सुनीता कुसनाके, नरेश कोवे, पंकज कुसनाके, उमेश आत्राम, सुरेश कुसनाके, शामराव पोरतेट, गुरुदास कडते, संदीप तोरे, रवींद्र झाडे, कार्तिक डोखे, मनीष मारटकर, कमल बाला, श्रीकांत समदार व गावातील नागरीक उपस्थित होते.
