The गडविश्व
गडचिरोली, १५ ऑगस्ट : भारतीय स्वातंत्र्याला ७५ वर्ष पूर्ण होत असल्याच्या पार्श्वभूमीवर गडचिरोली नगर परिषदेच्या वतीने “स्वातंत्र्याचा अमृत महोत्सव” अंतर्गत ९ ते १७ ऑगस्ट २०२२ पर्यंत स्वराज्य महोत्सव साजरा करण्यात येत आहे. त्या निमित्याने स्थानिक गडचिरोली नगर परिषदेतर्फे १३ ऑगस्ट २०२२ रोजी सकाळी ११.३० वाजता मुख्याधिकारी विशाल वाघ यांच्या मार्गदर्शनाखाली ‘अर्थ साक्षरता’ कार्यक्रमाचे आयोजन करण्यात आले.
सदर कार्यक्रमाला बँक ऑफ बडोदा, कॅनरा बँक, डाक विभाग, एक्सीस या बँकेच्या मार्गदर्शकानी उपस्थिती दर्शविली. या कार्यक्रमात बँकेमार्फत पुरविण्यात येणाऱ्या सेवा,आर्थिक नियोजन, ऑनलाईन आर्थिक व्यवहार करतांना घ्यावयाची काळजी, विविध विमा योजना, डाक विभाग अंतर्गत पुरविण्यात येणाऱ्या सेवा बाबत मार्गदर्शन केले. सदर कार्यक्रमाला शहरातील काही नागरिक तसेच नगर परिषदेचे कर्मचारी उपस्थित होते.
कार्यक्रम यशस्वी करण्यासाठी नगर परिषदेचे लेखाविभाग प्रमुख स्नेहल शेंद्रे व सहाय्यक कर्मचारी वैभव कागदेलवार यांनी परिश्रम घेतले. सदर कार्यक्रम मुख्याधिकारी विशाल वाघ यांच्या मार्गदर्शनाखाली आयोजित केला गेला.
